KWIBUKA MAHORO GIOVANNI




Kuwa 25 Mutarama 2016, Umubyeyi, abo mu muryango, inshuti n'abakunzi ba Mahoro Giovanni nibwo twumvise inkuru ibibaje y'urupfu ry'umunyamakuru twakunda kubwo gukorana umurava no kumenya kubana n'abantu. Benshi twamumenye ubwo yakoraga kuri Radio Salus, abari batuye mu Karere ka Huye twagiraga uburyo bwinshi duhura nawe, cyane cyane tuganira kubiganiro akora. Jye nk'umupasitori twahuzwaga cyane n'ikiganiro yakoraga ku cyumweru aho yazidukaga adushishikariza kujya gusenga ariko asimburanya indirimbo  zihimbaza Imana ahereye kuzaririmbwe n'amakorari, abahanzi bo mu Karere ka Huye mbere yo kujya hirya no hino. Twahuye kenshi tuganira kuburyo bwo guteza imbere imiririmbire, yasuraga korari akaziha inama z'uburyo bakora indirimbo zajya zica kuri za radiyo zitatundakanye kandi zifite ubutumwa bwubaka abanyarwanda.  

Urupfu rwe rwaratubabaje ariko na none rutwigisha kumenya kubana neza n'abantu bose ntavangura, no gukora neza tukiriho. Yagiye akiri muto ariko amaze gukora ibikomeye kandi byiza mu gihe cye. Mu kumushyingura twahuye turi benshi dusanga twese duhuriye ku kintu kimwe cyo gukomeza kuzirikana ibyo yakoze, bituma duhitamo gushyiraho itsinda ryo gukomeza kumwibuka no gukomeza umuco wo gusabana no kubana n'abantu bose amahoro. Uyu munsi hari bamwe baraduhagararira bajya gushyira indabo ku mva ye i Huye/Ngoma, ariko n'abandi aho turi hirya nohino mu Rwanda, i Burundi, DR-Congo nahandi hirya no hino ku isi, dukomeje kuzirikana ibiganiro byiza yatanze byagiye bitwubaka cyane cyane HAMBERE HANZE, ikiganiro cyahaye benshi ubumenyi ku mateka yibyabaye ku isi yacu, no kumenya ibyo twabyigiraho. 

Umubyeyi we ndamuzi neza ko ari umumama ukunda Imana kandi ukomeye mu gakiza, reka nawe akomeza kuba urugero rwiza ko bishoboka kurera umwana ukamutoza kubana n'abantu bose atavangura.  Nk'uko Ijambo ry'Imana rivuga "Uhereye none hahirwa abapfa bapfira mu Mwami." Umwuka nawe aravuga ati " Yee, ngo baruhuke imihati yabo, kuko imirimo yabo ijyanye na bao ibakurikiye." Ibyahishuwe 14:13 

" Gira umutwe wo kwezwe uzabe muri icyo gitaramo cyo mu ijuru", aya ni amagambo yo mu indirimbo "IGITARAMO CyO MU IJURU" ya korari Integuza AEBR Butare, Giovanni uko yasuraga Korari cyangwa yaje kurusengero yasabaga ko iyi ndirimbo iririmbwa, inshuro nyinshi yabaga ari kuri Radio Salus ya shyiragamo iyi ndirimbo. Reka natwe tugire umwete wo kwezwa tuzabe mu gitaramo cya bera mu ijuru, hamwe n'abatubanjirije barimo Mahoro Giovanni.

Tuzahora tukwibuka muvandimwe Mahoro Giovanni

Pasitori Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

IMINSI 40 Y'UBUZIMA BUFITE INTEGO, UMUNSI WA 29, 'KWEMERA UMURIMO WAWE'

Image
IRIBURIRO  Umuhamagaro wo gukorera Imana nk'umupasitori ntiwigeze uba mubyo nifuzaga. Ariko kubera kuba umuyobozi w'amakorari, abanyeshuri b'abaporotesitanti mu mashuri y'isumbuye, umuyobozi w'urubyiruko mu itorero, abantu banyitaga pasiteri ntaraba we. Akenshi nahitaga nsubiza ko ntari pasiteri kandi ko ntifuza kuzaba we. Hari na banyitaga 'Mukozi w'Imana,' igisubizo kikaba guhita mbabwira ko ntari pasiteri. Babaga bavuze 'umukozi w'Imana," njye nkumva ko umukozi w'Imana ari pasiteri. Kuko umuntu asiga ikimwirukaho ariko adasika ikimyirukamo, nahunze umuhamagaro ariko wo uramfata. Uyu munsi muri gahunda yo gusoma Igitabo cy'Ubuzima Bufite Intego, turasoma icyigisho kivuga ngo " KWEMERA UMURIMO WAWE."  KWEMERA UMURIMO WAWE Ubu dutangiye intego ya kane ivuga ngo "WAREMEWE GUKORERA IMANA."  Bivuze ko mu byo njye nawe tubereyeho aha ku isi, harimo gukorera Imana. Waba wumva gukorera Imana nk'uko ...
Read more