Imboni ya Rev. Gato Etienne ku gitabo 'UBUKWE N’UMURYANGO WA GIKRISITU MU RWANDA RWA NONE'



 Iki gitabo  cyanditswe na Pasiteri KUBWIMANA Joel, Umushumba mu Itorero Harvest Bible Fellowship Rwanda , Njye ubwanjye nkikibona nagize amatsiko yo kugisoma.  Mu kugisoma  numvaga ntakirambika hasi ntararangiza kugisoma,  bitewe nuburyo cyanditswe  muburyo bw’ubuhanga.  Bigaragara ko umwanditsi atashyize imbere kwandika ibitekerezo  bye gusa,  ahubwo yifashishije n'ibindi bitabo byanditswe  n’abanditsi babahanga,  binararibonye  mu muco wacu wa kinyarwanda no muri Bibiliya urugero Mgr. Aloys BIGIRUMWAMI wanditse «  Imihango n’imigenzo n’imiziririzo  mu Rwanda » n'abandi banditsi nka:  GASIMBA Munezero «  Ubukwe bw’iwacu » NDEMESI  Moise MUSEKWA  «Construire un foyer prospere » NDYAMIYEMENSHI Nathan «  Bible and Divorce » Tharcisse GATWA « Histoire du Christianisme au Rwanda » …… n'abandi banditsi babahanga… Muri iki gitabo harimo  ingero nyinshi kubirebana n’urushako ruhesha Imana Icyubahiro . Iki gitabo kigizwe nibice bitatu byingenzi umwanditsi yanditseho:

1.    Ubukwe

2.    Imibonano mbuzabitsina

3.    Umuryango

Kubwanjye nkimara kugisoma  nacyise « IBYINGENZI NKWIRIYE KUMENYA MBERE YO KURUSHINGA, N’IBYO NKWIRIYE GUKOMEZA KWITAHO NYUMA YO KUBAKA URUGO » kubumva ikinyarwanda bose nabifuriza nabo gusoma iki gitabo kiziye igihe kuko ni umusanzu ukomeye kubashaka kugira urushako ruhesha Imana icyubahiro , kuko bene urwo rushako ni Ijuru rito . Iki gitabo ni umusanzu kubashumba bagenzi banjye tuyobora amatorero, kuko nimfasha nyigisho mugutegura abitegura  kurushinga. Kubamaze kurushinga  iki gitabo ni urwibutso rutwibutsa gushimangira  amasezerano twagiranye nabo twashakanye  imbere y’Imana no kuba icyitegererezo kubatari bashaka « Urushako ruhesha Imana icyubahiro  ,urumuri ku miryango n'abato » . Ku bantu b'iki gihe  cy'amajyambere no kugendana nibigezweho  iki gitabo n’inkishyimbo  mu kuboko kumwungeri mwiza, ariwe YESU KRISTO  iducyamura  kugaruka mu nzira nziza, no kugira urushako  rwubatse ku Rutare (Yesu Kristo)  n’Ijambo ry’Imana. Urushako rurangwa na kirazira mu muco wa kinyarwanda, kuko « ibishashagirana byose atari zahabu. » Amajyambere nimeza ariko  dushishoze, nk'uko umwanditsi abivuga 'dukwiriye gushungura mbere yo gufata no kwemera ibije byose ngo ni amajyambere.' Ahubwo  twibuke ko ibyo tubiba aribyo tuzasarura.  Kandi tunazirikane ko imibanire y'umugabo n'umugore cyangwa urushako  ari ishusho  yimibanire ya  Kristo n’umugeni we ITORERO. Bityo reka  duharanire kubana amahoro nabo twashakanye ndetse n'abantu bose  twitegura gusanganira Umwami Yesu kuko ari bugufi kuza gutwara umugeni yakoye ari we Torero.                                 

 Rév. GATO Etienne    

Harvest Bible Fellowship Rwanda- Buhuru

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

IMINSI 40 Y'UBUZIMA BUFITE INTEGO, UMUNSI WA 29, 'KWEMERA UMURIMO WAWE'

Image
IRIBURIRO  Umuhamagaro wo gukorera Imana nk'umupasitori ntiwigeze uba mubyo nifuzaga. Ariko kubera kuba umuyobozi w'amakorari, abanyeshuri b'abaporotesitanti mu mashuri y'isumbuye, umuyobozi w'urubyiruko mu itorero, abantu banyitaga pasiteri ntaraba we. Akenshi nahitaga nsubiza ko ntari pasiteri kandi ko ntifuza kuzaba we. Hari na banyitaga 'Mukozi w'Imana,' igisubizo kikaba guhita mbabwira ko ntari pasiteri. Babaga bavuze 'umukozi w'Imana," njye nkumva ko umukozi w'Imana ari pasiteri. Kuko umuntu asiga ikimwirukaho ariko adasika ikimyirukamo, nahunze umuhamagaro ariko wo uramfata. Uyu munsi muri gahunda yo gusoma Igitabo cy'Ubuzima Bufite Intego, turasoma icyigisho kivuga ngo " KWEMERA UMURIMO WAWE."  KWEMERA UMURIMO WAWE Ubu dutangiye intego ya kane ivuga ngo "WAREMEWE GUKORERA IMANA."  Bivuze ko mu byo njye nawe tubereyeho aha ku isi, harimo gukorera Imana. Waba wumva gukorera Imana nk'uko ...
Read more