PASIKA: YESU NIWE GITAMBO CYARI GIKWIYE

IRIBURIRO



 Uyu munsi Abanyarwanda aho bari hose, mu Rwanda no hanze twatangiye icyumweru cyo kwibuka Jenosida yakorewe Abatutsi mu 1994.  Nk'uko mu Ijambo rye Nyakubahwa Perezida wa Repubulika y'u Rwanda yavuze,"Uyu munsi turibuka amahano twanyuzemo, n'ibyo twatakaje, umuntu ku giti cye, n'Igihugu. Tuzakomeza kwigisha Abanyarwanda babyiruka ubu, n'abazakurikiraho, ibyabaye ku Gihugu cyacu, n'amasomo twabikuyemo." Nk'Abanyarwanda reka dukomeze gushyigikira ubumwe bwacu no gushyira hamwe kugirango dukomeze kubaka igihugu kitarangwamo amacakubiri. Iki cyumweru kandi ni icyumweru Abakristo tuzirikana ugupfa no kuzuka kwa Yesu wa tubereye igitambo gikwiye.  Urukundo Yesu yagaragaje atwitangira tukiri abanyabyaha reka ruturange aho turi hose.
1. Amaraso y'inyamaswa ntiyabashije kuba igitambo gikwiye 
Ejo hashize twabonyeko Yesu yatambwe isi ikiremwa. Uyu munsi reka tureba kuki hari hakanawe igitabo? Kuki Yesu ariwe gitambo cyari gikenewe? Iyo tuvuze igitambo tuba tuvuga incungu, umuntu cyangwa ikintu kijya mu cyimbo cy'umuntu cyangwa abantu. Muri Bibiliya hari ibitambo by'uburyo bwinshi ariko bigabanywa mu buryo buburi bw'ingenzi: 1. Inyamaswa, 2. Umuntu. Haba ku nyamaswa cyangwa umuntu "ubugingo" ariyo maraso niyo Imana yari yaraganeye kuba ayo gusukwa ku gicaniro. "Kuko ubugingo bw'inyama buba mu maraso, nanjye nyabahereye gusukwa ku gicaniro ngo abe impongano y'ubugingo bwanyu, kuko amaraso ari yo mpongano, ayihindurwa n'ubugingo buyarimo."  (Abalewi 17:11) Umuntu yari yemerewe kurya inyama z'inyamaswa ariko kurya amaraso byo ni ikizira, kuko amaraso ariyo mpongano. Abaheburayo 9:22 haravuga ngo: "kuko ukurikije amategeko ibintu hafi ya byose byezwa n'amaraso, kandi amaraso atavuye ntihabaho kubabarirwa ibyaha." Kugirango habeho kubabarirwa hagombaga kumenwa amaraso y'inyamaswa. Mu Balewi 17, twabonye ko amaraso y'inyamaswa ariyo yari yaragenewe gusukwa ku gicaniro.  Nubwo amaraso y'inyamaswa ariyo yagombaga gusukwa ku gicaniro, ntiyabashije gukuraho ibyaha by'abantu. "4Erega ntibishoboka ko amaraso y'amapfizi n'ay'ihene akuraho ibyaha! 5  Ni cyo cyatumye ubwo Yesu yazaga mu isi avuga ati “Ibitambo n'amaturo ntiwabishatse, Ahubwo wanyiteguriye umubiri. 6Ntiwishimiye ibitambo byokeje,Cyangwa ibitambo by'ibyaha. 7Mperako ndavuga nti ‘Dore ndaje Mana, ( Abaheburayo 10:4-7). Byasabaga ko uko umuntu akoze icyaha hicwa inyamaswa. Imana mu rukundo rwayo, yari yarabonye kuva isi ikiremwa ko abantu batazabasha guhora batamba ibitambo. Ikindi ni uko ibintu byose Imana yaremye irabikunda, ntabwo yari yishimiye ko inyamaswa zihora zicwa kubera ibyaha bya bantu. Bityo hari hakwiye igitambo kimwe kizima gisumba ibindi byose, cyo kuba incungu y'abo mu isi, n'ibyo mu isi byose.  

2. Yesu niwe Gitambo cyari Gikwiye 

Iyo usomye Abaheburayo 9: 15-28, hagaragaza neza uko Yesu ariwe gitambo gikwiye. Hari ibintu bibri by'ingenzi: 1. Hari hakanewe igitambo cyera kandi kiruta ibyari bisanzwe bitambwa. 2. Hari hakanewe igitambo cy'isi yose gitambwa rimwe gusa. "Ni we Imana yashyizeho kuba impongano y'uwizera amaraso ye, kugira ngo yerekane gukiranuka kwayo kwayiteye kwirengagiza ibyaha byakozwe mbere y'icyo gihe, ubwo Imana yabyihanganiraga." (Abaroma 3:25) Uretse kuba impongano y'ibyaha Yesu yaje ngo atwereke gukiranuka kw'Imana. Niyo mpamvu yavuze ko ariwe nzira n'ukuri n'ubungingo. Yesu ntabwo yabaye igitambo nk'inyamaswa zitavugaga, ahubwo yabaye igitambo cy'abantu bose kandi aba uwo kutwereka inzira. Kuba yari Imana yigize umuntu niwe wari ukwiye kandi uhagije kutugarura mu inzira y'ukuri.  

Mu gihe twitegura kwizihiza Pasika, reka dukomeze kuzirikana ko Yesu ataje kuba igitambo gusa, ahubwo ko yazanywe no kutwereka gukiranuka kw'Imana. Kuva Imana iremye umuntu icyo itwifuzaho ni ugurora ibyo gukiranuka. Urugero rwiza kandi rwuzuye rwo gukiranuka ni Yesu, wabaye mu isi ntakore icyaha. Twe nubwo tujya ducumura, reka uko bukeye nuko bwije duharanire gukiranuka. Ubukristo butarimo gukiranuka, kwera ntabwo bwatugeza mu ijuru. Imana irera kandi izegerwa n'abera. Yesu yaratambwe ngo tubone ubungingo, icyo jye nawe dusabwa ni ukumwemera mu buzima bwacu no kugera ikirenge mucye. 

Mu gire umugoroba mwiza. Reka kandi nk'Abanayarwanda dukomeze kuzirikana kwibuka twiyubaka. 

Pasiteri Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

IMINSI 40 Y'UBUZIMA BUFITE INTEGO, UMUNSI WA 29, 'KWEMERA UMURIMO WAWE'

Image
IRIBURIRO  Umuhamagaro wo gukorera Imana nk'umupasitori ntiwigeze uba mubyo nifuzaga. Ariko kubera kuba umuyobozi w'amakorari, abanyeshuri b'abaporotesitanti mu mashuri y'isumbuye, umuyobozi w'urubyiruko mu itorero, abantu banyitaga pasiteri ntaraba we. Akenshi nahitaga nsubiza ko ntari pasiteri kandi ko ntifuza kuzaba we. Hari na banyitaga 'Mukozi w'Imana,' igisubizo kikaba guhita mbabwira ko ntari pasiteri. Babaga bavuze 'umukozi w'Imana," njye nkumva ko umukozi w'Imana ari pasiteri. Kuko umuntu asiga ikimwirukaho ariko adasika ikimyirukamo, nahunze umuhamagaro ariko wo uramfata. Uyu munsi muri gahunda yo gusoma Igitabo cy'Ubuzima Bufite Intego, turasoma icyigisho kivuga ngo " KWEMERA UMURIMO WAWE."  KWEMERA UMURIMO WAWE Ubu dutangiye intego ya kane ivuga ngo "WAREMEWE GUKORERA IMANA."  Bivuze ko mu byo njye nawe tubereyeho aha ku isi, harimo gukorera Imana. Waba wumva gukorera Imana nk'uko ...
Read more