PASIKA: INTEGO Y'UMUSARA WA YESU

IRIBURIRO 


Abantu mo mu bihe bitandukanye bagiye barangwa no kugira uburyo butandukanye bwo guhana abanyabyaha, abagizi banabi. Ubwami bwa Baromani nibwo bwari bukomeye mu gihe Yesu yari ku isi nki Mana yigize umuntu. Abagome, abicanyi, abambuzi mbese abanyabyaha ruharwa, bahanishwaga igihano cyo kwicwa babambwe ku musaraba. Nubwo Pilato yahamije ko nta cyaha Yesu yakoze, kandi koko yari Uwera, urupfu abagome bicwaga nirwo Yesu yapfuye. Umunsi abambwa yari hagati y'abambuzi  babiri, umwe ahitamo ku mwizera undi kumushinyagurira. Akiri ku musaraba Yesu yatangiye umurimo we wo kunga abantu n'Imana, ubwo yizezaga igisambo cy'ihannye ko bari bubane muri Paradizo. Ese uru rupfu rubi rwo kubambwa ku musaraba Yesu yapfuye, rwari rugendereye iki? Intego yarwo yari iyi he? 

 INTEGO Y'UMUSARA WA YESU

Dore intego zimwe mu zatumye Yesu, utarigeze gukora icyaha yemera kubambwa ku musaraba: 

1.  Kudusongorerera ku rupfu: "ahubwo tubona Yesu wacishijwe bugufi akaba hasi y'abamarayika ho hato, tubona ko ari we wambitswe ubwiza n'icyubahiro nk'ikamba ku bw'umubabaro w'urupfu yapfuye, kugira ngo ku bw'ubuntu bw'Imana asogongerere abantu bose urupfu." (Abaheburayo 2:9) Byari bikwiye ko Yesu anesha urupfu, kugirango hatagira umwizera uzaheranwa naryo. 

2. Kugirango muriwe tubabarirwe ibyaha: "kuko Utigeze kumenya icyaha Imana yamuhinduye kuba icyaha ku bwacu, kugira ngo muri we duhinduke gukiranuka kw'Imana." (2Abakorinto 5:21) Kubw'umusaraba wa Yesu, abamwizera tubabarirwa ibyaha, tugahabwa gukiranuka kw'Imana. 

3. Guhishura Ubuntu bw'Imana mu gucungurwa kwacu: "Kuko ubuntu bw'Imana buzanira abantu bose agakiza bwabonetse, 12butwigisha kureka kutubaha Imana n'irari ry'iby'isi, bukatwigisha kujya twirinda, dukiranuka, twubaha Imana mu gihe cya none 13dutegereje ibyiringiro by'umugisha, ari byo kuzaboneka k'ubwiza bwa Yesu Kristo, ari we Mana yacu ikomeye n'Umukiza 14 watwitangiriye kugira ngo aducungure mu bugome bwose, kandi yuhagirire abantu kugira ngo babe ubwoko bwe bwite, bugira ishyaka ry'imirimo myiza." (Tito 2:11-14), Kubabarirwa ibyaha nti bituruka ku mirimo myiza cyangwa ikindi kiguze uretse ku maraso Yesu yaviriye ku musaraba kubwacu. Bityo umusaraba wa  Yesu ugaragaza Ubuntu bw'Imana twagiriwe mu gucungurwa kwacu.   

4. Kutwunga n'Imana: "Ubwo twunzwe n'Imana ku bw'urupfu rw'Umwana wayo wadupfiriye tukiri abanzi bayo, none ubwo tumaze kūngwa na yo, ntituzarushaho gukizwa ku bw'ubugingo bwe?" ( Abaroma 5:10), ibyaha byari byaradutandukanije n'Imana, ariko umusaraba wa Yesu watwunze n'Imana.  

5. Gushimangira Isezerano rishya: "kuko aya ari amaraso yanjye y'isezerano rishya, ava ku bwa benshi ngo bababarirwe ibyaha." (Matayo 26:28), ku musaraba niho Yesu yameneye amaraso ashushanya isezerano rishya hagati y'Imana n'abantu. Iri akaba ari isezerano rya Gakiza k'isi yose kabonerwa muri Yesu Kristo.

6. Kugura Itorero: "Mwirinde ubwanyu, murinde n'umukumbi wose Umwuka Wera yabashyiriyeho kuba abarinzi, kugira ngo muragire Itorero ry'Imana, iryo yaguze amaraso yayo." Itorero si inyubako ahubwo ni abizera, bityo hari hakanewe ikiguzi cyo gucungura abantu. Icyo kiguzi ni Yesu wabambwe kubw'Itorero rye yaguze amaraso ye yigiciro cyinshi. 

Ese ujya uzirikana impamvu Yesu, yabambwe? Ntabwo kubambwa ku musaraba kwa Yesu byari impanuka, cyangwa gushaka kwigaragaza, ahubwo bifite icyo bivuze. Nibyiza nk'Abizera kuzirikana impamvu, intego y'umusaraba wa Yesu, kugirango twirinde kuwukerensa. Kugirango tubashe gukomeza kugenda mu nzira y'umusaraba dukwiye gusobanukirwa icyo umusaraba wa Yesu uvuze kuri twe abizera Kristo. Komeza uharanire kumenya byinshi ku musaraba wa Yesu muri iki gihe twitegura Pasika. 

Amahoro y'Imana ku Banyarwanda bose muri iki gihe cyo kwibuka Jenoside ya Korewe abatsutsi mu 1994. 

Pasiteri Kubwimana Joel 


Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

IMINSI 40 Y'UBUZIMA BUFITE INTEGO, UMUNSI WA 29, 'KWEMERA UMURIMO WAWE'

Image
IRIBURIRO  Umuhamagaro wo gukorera Imana nk'umupasitori ntiwigeze uba mubyo nifuzaga. Ariko kubera kuba umuyobozi w'amakorari, abanyeshuri b'abaporotesitanti mu mashuri y'isumbuye, umuyobozi w'urubyiruko mu itorero, abantu banyitaga pasiteri ntaraba we. Akenshi nahitaga nsubiza ko ntari pasiteri kandi ko ntifuza kuzaba we. Hari na banyitaga 'Mukozi w'Imana,' igisubizo kikaba guhita mbabwira ko ntari pasiteri. Babaga bavuze 'umukozi w'Imana," njye nkumva ko umukozi w'Imana ari pasiteri. Kuko umuntu asiga ikimwirukaho ariko adasika ikimyirukamo, nahunze umuhamagaro ariko wo uramfata. Uyu munsi muri gahunda yo gusoma Igitabo cy'Ubuzima Bufite Intego, turasoma icyigisho kivuga ngo " KWEMERA UMURIMO WAWE."  KWEMERA UMURIMO WAWE Ubu dutangiye intego ya kane ivuga ngo "WAREMEWE GUKORERA IMANA."  Bivuze ko mu byo njye nawe tubereyeho aha ku isi, harimo gukorera Imana. Waba wumva gukorera Imana nk'uko ...
Read more