PASIKA: BISOBANUYE IKI KUBA UMWENDA UKINGIRIZA AHERA CYANE WARATABUTSEMO KABIRI.

IRIBURIRO 


Hari ibitangaza byabaye Yesu akimara gupfa ku musaraba: Umwenda ukingiriza Ahera cyane watabutsemo kabiri, habaye ubwira kabiri, umutingito, ibituro by'abera birakinguka abera benshi barazurwa, umutware w'abasirikare ahamya ko Yesu yari Umwana w'Imana (Matayo 27:51-54). Kuri uyu mugoroba benshi twita umugoroba wera, cyangwa mutagatifu, reka turebe igisobanuro cyo gutabukamo kabiri ku mwenda ukingiriza Ahera cyane. 

1. Umwenda ukingiriza ahera cyane  

Ubwo Imana yahaga Mose amabwiriza yo kubaka Ihema ry'ibonaniro yamubwiye ibizakenerwa byose, uko Ihema rizubakwa, imubwira no kuzashyiraho umwenda ugabanya ahera na Hera cyane. Bivuzeko Ihema ry'ibonaniro ryari rifite ahera ariko rikagira na Hera cyane (Kuva 26:33-37). Ahera cyane niho hashyirwaga isanduku y'isezerano, ikindi ni uko hatagerwaga nuwo ariwe wese (Kubara 18:1-7).  Ahera na Hera cyane hagerwaga na batambyi gusa mu gihe cyose isanduku y'Imana yari ikiri mu Ihama ry'ibonaniro. Ubwo Salomo yari amaze kubaka Inzu y'Imana i Yerusalemu yashyizeho Ahera cyane (1 Abami 6:16).  Nanyuma yuko urusengero rwubatswe na Salomo rushenywe  (2Ibyo ku Ngoma 36:19) Abubatsi bayobowe na Yeshuwa na bahungube, Zerubaberi na bandi Balewi bongeye kubaka inzu y'Imana nubwo itari nini nk'iyo Salomo yari yarubatse. Uru rusengero rwubatswe bwa kabiri nubwo rwari ruto yewe rudafite ubwiza nk'urwo Salomo yari yarubatse, nirwo Yesu yabwirijemo ubutumwa bwiza akoreramo ibitangaza. Niryo kandi rwabereyemo igikorwa gikomeye Yesu akimara gupfa, 'umwenda ukingiriza Ahera cyane utabukamo kabiri.' 

2. Gutabukamo kabiri ku mwenda ukingiriza Ahera cyane bivuze iki?

 "Umwenda ukingiriza Ahera cyane h'urusengero utabukamo kabiri uhereye hejuru ukageza hasi." (Mariko 15:38) Iki ni igitangaza cyabaye Yesu akimara guhera umwuka. Ese ibi bivuze iki ku bizera Yesu? Ahera cyane hajyaga  abatambyi bagiye gutamba ibitambo by'ibyaha by'abantu, kandi igitambo kiruta bindi byose Yesu Kristo yari amaze kwitanga kubwacu. Gutabukamo kabiri byari bivuze ko gutamba ibitambo byoswa birangiye, bishyizweho iherezo. Byari bivuzeko buri wese afite kwigerera imbere y'Imana, cyane ko Yesu yari akuyeho urusika ahuje abantu n'Imana. Soma Abaheburayo 9:23-28. 

Gupfa kwa Yesu kwashyizeho iherezo ku bitambo by'amatungo, ikindi kwaduhaye kwigerera imbere y'Imana uko turi kose tukayibwira ibyacu. Ikindi usanga abakristo benshi batazi ni uko gutabukamo kabiri ku mwenda ukingiriza Ahera cyane bivuga ko twese abizera Kristo turi abatambyi, kuko twijyanira ibitambo byacu imbere y'Imana. Wabaza uti none ko numva bavuga abatambyi kenshi babyerekeza ku bashumba, abapasitori gusa? Nibyo nabo ni abatambyi ariko umurimo wabo si uwo ku utambira ibitambo ku Mana nk'uko byari biri mu isezerano rya kera. Ahubwo umurimo wa bapasitori ni uwo kwigisha no kwita ku bakristo babayobora mu inzira yo gukiranuka. Naho kwihana, kuzana ibyaha byacu ngo Imana itubabarire ni umurimo w'umuntu ku giti cye. Abandi bakwigisha ukumva ukuri ariko icyemezo ni icyawe ku giti cyawe. Ikindi ni uko buri wese ahamagarirwa kujyana ubutumwa bityo umukristo wese afite kugera imbere y'Imana kandi akagira icyo akora mu murimo w'Imana. Yesu ashimwe kubwo kutwunga n'Imana, kubwo kutubera igitambo kimwe gikuraho ibyaha, kubwo gukuraho umwenda watumaga tutakwigerera imbere y'Imana. 

Mugire umugoroba mwiza 

Pasiteri Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

IMINSI 40 Y'UBUZIMA BUFITE INTEGO, UMUNSI WA 29, 'KWEMERA UMURIMO WAWE'

Image
IRIBURIRO  Umuhamagaro wo gukorera Imana nk'umupasitori ntiwigeze uba mubyo nifuzaga. Ariko kubera kuba umuyobozi w'amakorari, abanyeshuri b'abaporotesitanti mu mashuri y'isumbuye, umuyobozi w'urubyiruko mu itorero, abantu banyitaga pasiteri ntaraba we. Akenshi nahitaga nsubiza ko ntari pasiteri kandi ko ntifuza kuzaba we. Hari na banyitaga 'Mukozi w'Imana,' igisubizo kikaba guhita mbabwira ko ntari pasiteri. Babaga bavuze 'umukozi w'Imana," njye nkumva ko umukozi w'Imana ari pasiteri. Kuko umuntu asiga ikimwirukaho ariko adasika ikimyirukamo, nahunze umuhamagaro ariko wo uramfata. Uyu munsi muri gahunda yo gusoma Igitabo cy'Ubuzima Bufite Intego, turasoma icyigisho kivuga ngo " KWEMERA UMURIMO WAWE."  KWEMERA UMURIMO WAWE Ubu dutangiye intego ya kane ivuga ngo "WAREMEWE GUKORERA IMANA."  Bivuze ko mu byo njye nawe tubereyeho aha ku isi, harimo gukorera Imana. Waba wumva gukorera Imana nk'uko ...
Read more