IMINSI 40 Y’UBUZIMABUFITE INTEGO, UMUNSI WA 15, ‘WAREMEWE KUBA MU MURYANGO W’IMANA’


IRIBURIRO


Kuva mu mwaka wa 2017 kugeza mu mpera z’umwaka wa 2019, nari kure y’umuryango wanjye muto, n’umuryango mu gari. Mu byatumaga ntahangayika cyane nibaza uko umuryango muto wanjye ubayeho ni uko hari umuryango mugari wabaga witaye ku muryango wanjye muto mu gihe ntahari. Nubwo ibibazo byose bahuraga nabyo umuryango mugari utari ku bikemura, ariko kuba bari bafite ubusabane no kumva ko hari aho babarizwa by’ubwa byo byari isoko y’umutekano. Uyu munsi mu gusoama igitabo cy’ubuzima bufite intego turasoma isomo rivuga ngo, “WAREMEWE KUBA MU MURYANGO W’IMANA." 

WAREMEWE KUBA MU MURYANGO W’IMANA 

Kuva mu Itangiriro tubona Imana ivuga ngo "TUREME," iri jambo riri mu bwinshi bivuze ko Imana Data, Umwana n'Umwaka Wera bari bari kumwe mu irema rya byose. Ukubaho ku muryango n'ubusabane mu muryango ni kamere y'Imana, niyo mpamvu natwe twaremwe n'Imana dusabwa kuba mu muryango wayo.  Nk'uko natangiye ntanga urugero ku muryango muto wanjye, iyo ufite umuryango uharanira ko uwo muryango ugubwa neza waba hafi yawo cyanga kure yawo. Niyo mpamvu umuntu wese uzi ubwenge utekereza kandi uzirikana atajya yihenura ku muryango we iyo agize urugo rwe, ashatse. Oya, ahubwo buri muntu wese aharanira gukomeza kuba mu muryango we mu gari niyo yagize umuryango we muto. Kuko mu byiza no mu bibi umuryango niwo utuba hafi. Bityo uko ari byiza kugira aho tubarizwa mu muryango mu buryo bw'isano ya maraso, niko dukwiye no kugira aho tubarizwa mu muryango w'abana b'Imana, abizera Imana. Aha dukwiye kumenya itandukaniro ry'abana b'Imana n'abantu b'Imana. Abantu bose ni ab'Imana kuko ariyo yabaremye ariko abantu bose si abana b'Imana. Abana b'Imana ni abemeye Imana ko ariyo yabaremye kandi bakemera n'umwana wayo yatumye kuza mu isi ariwe Yesu. "icyakora abamwemeye bose nakizera izina rye, yabahaye ubushobozi bwo kuba abana b'Imana (Yohana 1:12). Kwizera Yesu nk'Umwami n'Umukiza no kubihamisha kubatizwa bitwinjiza mu muryango w'abana b'Imana. Kandi iyo tugeze mu muryango w'abana b'Imana ari ryo Torero duharanira kuba ingingo nzima zigize umubiri wa Kristo zirangwa ni mirimo mwiza ishingiye ku rukundo.  Umuryango wacu mu buryo bwa maraso dushobora kuwusiga, umuryango wose ushobora kuzima, kugira iherezo, ariko umuryango w'abana b'Imana wo ntabwo ugira iherezo kuko niyo dupfuye tuguma muri uwo muryango. Wa kwimuka, wajya kwiga mu mhanga, aho uzajya hose uri umwana w'Imana uzahasanga umuryango w'abana b'Imana, wisange muribo kuko muhuje Data wa twese wo mu ijuru. Haranira kugira umuryango w'abana b'Imana ubarizwamo, va mu mutego wa Satani wo kurema ibice mu bantu, wo gutandukanya abantu abagira banyamwigendaho. Oya, waremewe kuba mu muryango w'Imana. Uko Imana ubwoyo igizwe n'umuryango w'Ubutatu butagatifu niko yifuza ko natwe tuba abo muri uwo muryango. Emerera Yesu kandi ubihamye mu bandi ko uri uwe, nawe uhinduke umwana w'Imana. wowe wamaze kugera mu muryango w'Imana, haranira kuzana abandi kuri Yesu nabo bave kwa satani binjire mu muryango w'Imana. 

Ingingo yo kuzirikana: Naremewe kuba mu muryango. 

Umurongo wogufata mu mutwe: "Umugambi wayo kuva kera wari kutwinjiza mu muryango wayo itwiyegereje muri Yesu Kristo." Abefeso 1:5 a (NLT) 

Ikibazo cyo gutekerezaho: Nakora nte ngo ntengire gufata abandi bizera nk'abavandimwe bo mumuryango wanjye? 

Umunsi mwiza 

Pasiteri Kubwimana Joel 

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more