IMINSI 40 Y'UBUZIMA BUFITE INTEGO, UMUNSI WA 9, 'NI IKI GITERA IMANA GUSEKA?'

IRIBURIRO 


Ubwo nigishaga isomo ry'amateka mu mashuri y'isumbuye, umunyeshuri umwe yambajije ikibazo mu gihe twarimo twiga ibijyanye na "Evolution and Creation."  Iki nicyo cyari iki bazo cye, "Teacher uri pasiteri none se turetse izi theories zose, ni iki gitandukanya science n'iyobokamana." Mu kumusubiza na mubwiye ko muri siyansi "science" habaho kubanza kwerekana, gutanga ibisubanuro no kugenzura ibisubizo wabonye ko uko ubikoze aha na handi ubikoze ko byatanga umusaruro cyangwa igisubizo kimwe. Ariko mu iyobokamana rya Gikristu habanza kwemera gusobanukirwa bikaza nyuma. Ntabwo habanza gutanga ibisobanuro, ahubwo kumvira Imana nibyo biza mbere, gusobanukirwa bikaza nyuma yo kumvira.  Isomo ry'uyumunsi turasoma ni ikibazo kibaza ngo " NI IKI GITERA IMANA GUSEKA?" 

 NI IKI GITERA IMANA GUSEKA? 

Impamvu ntangiye mvuga kuri siyansi n'iyobokamana ni uko umwe mu bantu basekeje Imana cyangwa se banejeje Imana ari Nowa. Ukurikije siyansi Nowa ushobora kubona ko yari umusazi cyangwa ko nta bwenge yagiraga. Ariko ukurikije Iyobokamana, Nowa ni umuntu wa kiranukiye Imana kuko ya yumviye nta bisobanuro abajije ahubwo yamaze imyaka 120 atarasobanukirwa neza ibyo arimo ariko akora ibyo Imana ya mubwiye gukora. Ibaze kubaza inkuge ngo imvura izagwa kandi utazi imvura, utarigeze uyibonaho. Ibaze kwemera ko uzashobora  kuzana inyamnswa zose zitadukanye ukazinjiza mu inkuge kandi harimo n'izi nkazi. Ibaze kubaza inkuge utuye ku musozi udaturiye inyanja nibura. Mbese muri make kubiyita abanyabwenge b'isi Nowa muri kiriya gihe yari umusazi, ariko kuko we yari azi Imana yahisemo kumara ubuzima bwe akora ibisetsa Imana, ibinezeza Imana. Ejo hashize twabonye ko kunezeza Imana ari ukuyiramya, gukora ibintu byose nk'abakorera Yesu. Uyu munsi twahawe urugero rw'umuntu witwa Nowa washoboye kubaho ubuzima bunezeza Imana. Kuburyo ubwo Imana yafataga umwanzuro wo kurimbuza isi amazi, Yabonye ko Nowa n'abo mu rugo rwe ko bakwiye kurokoka, kuko Nowa yubahaga Imana. Rick Warren agendeye kubuzima bwa Nowa agaragaza ibintu bitanu bituma Imana Iseka:  

1. Imana iranezerwa iyo tuyikunze twivuye inyuma.
2. Imana iranezerwa iyo tuyizeye byuzuye.  
3. Imana inezerwa iyo tuyumviye n'umutima wose. 
4. Imana iranezerwa iyo tuyihimbaza tukayishima ubudatuza.
5. Imana iranezerwa iyo dukoresheje impano yaduhaye.  

Ubuzima bwa Nowa ni urugero rwiza rutwereka ko natwe dushoboza kubaho ubuzima butuma Imana iseka no mu gihe abandi bose badukikije bakora ibi babaza Imana. Akensi usanga iby abantu bavuga, uko babona ibintu aribyo twitaho aho kumvira Imana. Uyu munsi inama ikomeye tugirwa kugirango tubashe kunezeza Imana ni UKUMVIRA IMANA GUSOBANUKIRWA BIKAZA NYUMA. Iyo uzi Imana urayumvira kuko uba uzi uko ivuga, uko ikora, n'ibyo ishaka. Ubumenyi bukunze buka ku isongo ryo kuyobora abantu mu kutumvira Imana, igihe cyose bibwira ko ibyo babona, bumva, bazi ko aribyo kuri. Ukuri ni Yesu ibindi biza bishingiye kuri Kristo. Ubumenyi n'ikintu cyose kitubakiye kuri Kristo ufite, ukora ntabwo kinezeza Imana. Reka twibuke ko Imana iseka, inezerwa bityo dukore ibituma iseka, inezerwa. 

Ingingo yo kuzirikana:  Imana iranezerwa iyo nyizeye. 

Umurongo wo gufata mu Mutwe: "Uwiteka anezererwa abamwubaha, akishimira abizera urukudo rwe."  (CEV) 

Ikibazo cyo gutekerezaho: Ubwo Imana izi ibyiza binkwiye, ni hehe mu buzima bwanjye nkeneye kuyizera kurutaho?

 Mbifurije umunsi mwiza 

Pasiteri Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more