IMINSI 40 Y'UBUZIMA BUFITE INTEGO, UMUNSI WA 30,'TWAREMWE MU BURYO BUTUMA DUKORERA IMANA'

IRIBURIRO


Abantu mwize mu ishuri ry'icyumweru (Sunday School) mushobora kuba mwararirimbye iyi ndirimbo ivuga ngo:" Imana yampaye byose ngo njye nyikorera neza. Amaso kureb'imirimo y'Imana, amatwi yo kumva Ijambo ry'Imana, umunwa wo kuvuga Ijambo ry'Imana, amaboko yo gukor'umurimo w'Imana, amaguru yo kugenda mu nzira y'Imana." Kuko ari indirimbo benshi twaririmbaga dukora ibimenyetso bihura nibyo tuvuga, benshi mushobora kuba muyibuka. Uyu munsi mu gusoma igitabo cy'Ubuzima Bufite Intego, turasoma icyigisho kivuga ngo,"TWAREMWE MU BURYO BUTUMA DUKORERA IMANA." 

TWAREMWE MU BURYO BUTUMA DUKORERA IMANA 

Ejo hashize twabonye ko gukorera Imana ari ukubasha gukorera abandi tubikuye ku mutima kandi tubikoranye urukundo rutagamije inyungu. Ikindi ni uko gukorera Imana ari umuhamagaro w'umukristo wese. Nk'uko indirimbo ntangiye mvuga ibigaragaza, Umuremyi wa byose yaduhaye byose bituma dukora umurimo we. Bivuze ko uko turemye bihagije ngo dukorera Imana, kuko ntacyo Imana itaduhaye ngo tubashe kuyikorera. Ikibazo aha twakwibaza akanwa kawe gakora iki? Gutukana, kuvuma, kubeshya, kugambana, cyangwa gakora umurimo wo kuvuga ubutumwa bwiza, gukomeza abandi, kuvuga neza no guhesha umugisha abandi? Ese amaboko yawe yo ni ayo kurwana, kwiba, kwica, cyangwa ni ayo gukorera Imana n'abantu bayo? Kuva ku mutwe kugera ku birenge, inyuma ku mubiri n'imbere mu mubiri twahawe byose bituma dukorera Imana. Ubwo Rick Warren ya vugaga ku buryo Imana igena imiterere yacu kubw'umurimo duhamagarirwa, yagaragaje ibintu bitanu bigize imiterere ya buri muntu: 
Impano zo mu Mwuka
Umutima 
Ubushobozi 
Imiremerwe 
Inararibonye 
Ibi bitanu bidushoboza kubasha gukorera Imana, gukorera abandi ibyiza byose bishimwa n'Imana.Turi mu bihe aho gukorera Imana kwacu bikenewe cyane. Kuba turi mu ngo zacu nti bikuraho gukomeza gukorera Imana uko dusanzwe tubikora, kuko Imana yo nti yahindutse kubera icyorezo. Uko biri kose Imana iracyari Imana, ntabwo yo yicaye itegereje ko icyorezo kibonerwa umuti, cyangwa ko gihagaraga, oya, Imana irimo gukora. Kuko Imana twizera itaryama idasinzira ahubwo ihora iri maso itureberera niyo mpamvu dukwiye gukomera no muri iki gihe tugakomeza gukora umurimo wayo. Ntabwo twasezeranye kuzakorera Imana ari uko ibintu bimeze neza gusa, ahubwo mu bibi no mu byiza twiyemeje gukomeza gushima Imana, kuyikorera no kuvuga gukomera kwa yo. Kuramya twabonye ko ari ugukora ibinezeza Imana igihe cyose, aho turi hose mu byo turimo byose. No muri iki gihe twugarijwe n'icyorezo cya Korona Virusi, reka dukomeze gukora imirimo myiza yose iranga abizera Imana. Twime amatwi Satani ushaka kutweraka ubunini bw'ikibazo, ahubwo duhange amaso Imana yacu itagereranywa. 

Ingingo yo kuzirikana: Naremewe gukorera Imana 

Umurongo wo gufata mu mutwe:" Imana ikorera mu bantu batandukanye mu buryo butandukanye ariko Imana imwe ni yo iba ishoza imigambi yayo muri bose." 1Abakorinto12:6(Ph) 

Ikibazo cyo gutekerezaho: Ni ubuhe buryo nshobora gukorera abandi nshishikaye kandi mu buryo numva nkuze?

Mugire umunsi mwiza wo gukomeza gukorera Imana  

Pasiteri Kubwimana Joel 

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

IMINSI 40 Y'UBUZIMA BUFITE INTEGO, UMUNSI WA 29, 'KWEMERA UMURIMO WAWE'

Image
IRIBURIRO  Umuhamagaro wo gukorera Imana nk'umupasitori ntiwigeze uba mubyo nifuzaga. Ariko kubera kuba umuyobozi w'amakorari, abanyeshuri b'abaporotesitanti mu mashuri y'isumbuye, umuyobozi w'urubyiruko mu itorero, abantu banyitaga pasiteri ntaraba we. Akenshi nahitaga nsubiza ko ntari pasiteri kandi ko ntifuza kuzaba we. Hari na banyitaga 'Mukozi w'Imana,' igisubizo kikaba guhita mbabwira ko ntari pasiteri. Babaga bavuze 'umukozi w'Imana," njye nkumva ko umukozi w'Imana ari pasiteri. Kuko umuntu asiga ikimwirukaho ariko adasika ikimyirukamo, nahunze umuhamagaro ariko wo uramfata. Uyu munsi muri gahunda yo gusoma Igitabo cy'Ubuzima Bufite Intego, turasoma icyigisho kivuga ngo " KWEMERA UMURIMO WAWE."  KWEMERA UMURIMO WAWE Ubu dutangiye intego ya kane ivuga ngo "WAREMEWE GUKORERA IMANA."  Bivuze ko mu byo njye nawe tubereyeho aha ku isi, harimo gukorera Imana. Waba wumva gukorera Imana nk'uko ...
Read more