IMINSI 40 Y’UBUZIMA BUFITE INTEGO, UMUNSI WA 21, ‘KURENGERA ITORERO RYAWE’


IRIBURIRO  


Umunsi umwe narimo nganira n’abamwe mu bakristo umwe ati «ariko kuki amatorero asigaye afungurwa ari menshi ? Wagirango ni amaduka ari gufungurwa?” Kuriwe yumvaga ko ari bibi kuba amatorero ari gufungurwa ari menshi. Mbere yo gukomeza ikiganiro twariho, naramubajije nti “kuki iyo utubari dufungurwa ari twinshi abantu batagira impungenge ariko hafungurwa amatorero menshi bakagira impungenge.”   Uyu munsi mu gusoma igibato cy’ubuzima bufite intego turasoma icyigisho kivuga “KURENGERA ITORERO RYAWE.”   
KURENGERA ITORERO RYAWE
Kurengera Itorero bivugwa aha ni uguharanira ubumwe bw’abizera mu Itorero, ni  uguharanira ko Itorero riguma kuba umubiri umwe wa Kristo. Nkunze kuvuga ko Itorero rigizwe n’abantu kandi abantu tukaba turi abanyabyaha, ariko itadukaniro rikaba ko abizera Yesu turi abanyabyaha bamenye aho bakirira ibyaha kubw’Ubuntu twagiriwe na Yesu wadupfiriye. Kuko nta Torero na rimwe riri ku isi wa vuga ko rikiranuka kurenza ayandi, nibyiza ko duharanira ubumwe dushyira imbere gusana imibanire nk’uko tumaze iminsi tubibona. Yesu yasabye ko tuba umwe nk’uko we na Data wa twese bari.  Ubumwe ni kamere y’Imana ikwiye kuranga abizera Yesu bose, abari mu Itorero rimwe cyangwa mu matorero atandukanye. Abanyarwanda bo go “ahari abantu nti habura uruntu runtu.” Abizera Kristo dusabwa kurengera ubumwe mu Itorero aho dusengera. Hari impamvu nyinshi amatorero afungurwa ari menshi muri iki gihe, akenshi usanga abantu babona kutumvikana, kubura ubumwe nk’impamvu ituma hashingwa amatorero menshi.  Ariko kurundi ruhande gufungura amatorero menshi  ni uburyo bwo kurinda Itorero. Kuko aho kumva abantu barwana mu matorero cyangwa batukana ibyiza batandukana nta ntonkanya buri wese agakomeza gukorera Imana yo mucamanza mukuru. Ikindi ni uko  Bibiliya igaragaza ko mu minsi iheruka hazaduka abahanuzi b’ibinyoma benshi kandi bazaduka bava hagati muri twe. Bityo mugihe habayeho kugoreka Ijambo ry’Imana, haba hakwiye kubaho na bagorora ijambo ry’ImanA bakarivuga uko riri. Aha inama duhabwa ni ukwirinda gushyamirana ahubwo hagashyirwa imbere kurengera Itorero. Kurengera Itorero ntibireba abashumba, abayobozi ba matorero gusa, ahubwo abizera twese. Ukwiye kwirinda kuba uwo gusebya abandi, kuvuga ibitagenda gusa, uwo gutunga urutoki gusa, ahubwo haranira gutera intambwe eshatu Bibiliya idusaba turengera Itorero:
1.       Mugenzi wawe na kosa umusange umubwire ikosa rye, na kumvira uzaba ubonye mwene so muri Kristo. Niyanga nta kumvire utere intambwe ya kabiri.
2.       Mugende muri babiri cyangwa batatu  mu muhugure  mu mubwire ikosa rye, na bumvira bizaba ari byiza, mukomezanye gukora umurimo w’Imana. Mugihe yanze kubumvira, mutere intambwe ya gatatu.
3.       Mu mushyikirize Itorero naryo rimuhugure, igihe atumviye Itorero nibwo afatwa nk’utizera.
Akenshi usanga izi ntambwe tutazubahiriza ahubwo dushyira imbere kuvuga nabi bagenzi bacu, kubasebya, kandi ibi ntabwo birinda Itorero. Reka imyitwarire yacu, imikorere yacu bibe ibyo gukunda Itorero dusengeramo, duharanira kurengera ubumwe bwa ryo. Ikindi gikomeye tuzirikane gusengera abayobozi b’amatorero aho kubatera amabuye. Nabo ni abantu bashobora kugira intege nke, bityo kubasengera, kubagana tukaganira nabo kubibazo bihari n’ingenzi. 

Ingingo yo kuzirikana: Ni nshingano yanjye kurengera ubumwe bw’Itorero ryajye.

Umurongo wogufata mu mutwe:  “Nuko rero twibande kubizana ubwumvikane no gukurira mu bumwe.” Abaroma 14:19

Ikibazo cyo gutekerezaho: Njye ubu ndakora iki ngo ndengere ubumwe mu Itorero ndimo? 

Icyumweru cyiza

Pasiteri Kubwimana Joel



Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Isabato n'Icyumweru mu mboni ya Bibiriya.

Image
Iriburiro Isabato n’icyumweru ni iminsi ikomeye mu buzima bw’abayoboke b’amadini nk’Abayahudi, Abadivantisiti b’umunsi wa Karindwi… Kiliziya Gatolika, Abaporotesitanti n’abandi. Usanga hari impaka hirya no hino mu bayoboke b’amadini n’amatorero ku munsi nyawo wahariwe gusenga cyangwa se umunsi twafata ko wera. Usanga amahame no kwemera kw’amadini n’amatorero ari isoko y’impaka twavuze. Ariko se Bibiliya yo ibivugaho iki? Hari icyo Bibiliya ivuga ku Isabato? Ku Cyumweru? Ese Isabato ni umunsi wera kuruta indi? Ese icyumweru cyo ni umunsi wera kuruta indi? Mu kwandika iki gitabo twakoze uko dushoboye twifashisha Bibiliya cyane kugira ngo twirinde kugira indi myumvire itari iya Bibiliya dushyira imbere. Bityo turagerageza kureba icyo Bibiliya ivuga ku munsi w’Isabato. Ese Isabato n’iki? Tuze no kureba ku munsi wo ku cyumweru niba hari icyo Bibiliya ivuga kuri uyu munsi. Turasoza dutanga umwanzuro usubiza ikibazo kigira kiti ”Ese abasenga ku cyumweru baba bishe itegeko ry’Imana?” I.1. ...
Read more