IMINSI 40 Y'UBUZIMA BUFITE INTEGO, UMUNSI WA 20, 'GUSANA IMIBANIRE YASENYUTSE'

IRIRURIRO 


Icyumweru kimwe ubwo narimo nitegura kujya gusenga nahamagawe n'umugore umwe ati, "ihute vuba ugere mu rugo nda gukeneye." Nafashe Bibiliya njyayo nibwirako mpava mpita jya gusenga. Mukuhagera nasanze umugore arimo kurira, anyakiriza kumbwira amakosa umugabo we yakoze, kandi ko yumva agiye gusubira iwabo. Nyuma yo guhamagara ku rusengero nka babwira ko bashaka undi uri bubwirize kuko nari kuri gahunda yo kubwiriza, twaricaye tuganira ku bibazo bari bafite. Igitumye mvuga ibi ni uko, uko umugabo yitwaye tuganira byatumye ikibazo gikemuka vuba. Umugabo yakomeje kwemera amakosa, no gutakamba asaba umugore imbabazi birangira umugore yemeye kumubabarira. Uyu munsi wa 20 muri gahunda yo gusoma igitabo cy'ubuzima bufite intego, turasoma icyigisho kivuga "GUSANA IMIBANIRE YASENYUTSE."   

GUSANA IMIBANIRE YASENYUTSE 

Mu buzima busanzwe gusenya birihuta ariko kubaka cyangwa gusana biragora. Rick Warren ati  kuko Imana yaturemeye kwiga gukunda, niyo mpamvu ndukwiye kwihangana no kubabarira mu kubaka imibanire myiza. Hari ibintu birindwi avuga byafasha mu gusana imibanire myiza, ariko ndagirango mvuge ku byo nabonye by'ibanze byadufasha mu gusana imibanire yasenyutse.  Icyambere ni ukubanza kubwira Imana ikibazo. Usanga akenshi twihutira kwinjira mu kibazo ariko byaba byiza mbere yo kuganira nuwo mufitanye ikibazo ubanje gusenga ukabwira Imana uko wiyumva. Urugero twahawe ni Dawidi, yajyaga ajya imbere y'Imana akayibwira umujinya we, akababaro ke, mbese uko yiyumva, nuko abona kandi yumva abanzi be. Kubanza kubwira Imana ikibazo n'ingenzi, kuko iyo tuyishyize kuruhande ibibazo biratuganza. Ikindi ni ukubwizanya ukuri, mu gihe hari ikibazo. Ni byiza gushaka uko ikibazo cya kemuka binyuze mu kuganira neza kandi no kubwizanya ukuri. Iyo habayeho guca hejuru y'ikibazo imibanire ikomeza kuba mibi, ariko iyo habayeho kuvuga ikibazo uko kiri, hakurikiraho kubabarirana. Kubabarira bikwiye kuba bivuye ku mutima nta kuryarya. Ikindi gikomeye ni ukutihagararaho ahubwo hakabaho gucabugufi mu gihe wa kosheje ugasaba imbabazi. Usanga muri kamera yacu akenshi harimo kwihagararaho, bituma mugihe imibanire yasenyutse bigorana kuyisana. Urugero natangiye mvuga, iyo umugabo yiyumva ko ari umugabo ntace bugufi ngo asabe imbabazi aba yarasenye urugo rwe rutamaze kabiri. Ariko kutihagararaho kwe kwatumye ikibazo gikemuka vuba, abasha gukomeza kubana n'umugore we mu mahoro. Ikindi nasorezaho ni ukwirinda guhunga ibibazo ahubwo hakabaho kubiganiraho, mbere yo gufata imyanzuro. Hari ingero nyinshi tubona muri Bibiliya z'ibibazo byabaye hagati y'intumwa za Yesu nuko zagiye zikemura ibyo bibazo. Akenshi habagaho kwicara bakaganira hakabaho gufata imyanzuro kandi bakayikurikiza.  

Reka nsoze mvuga ngo, bitewe n'ibihe turimo aho twugarijwe niki cyorezo cya Korona Virusi, dufate umwanya wo kwinira twisuzume kugira ngo tubashe gusana imibanire yacu n'Imana, n'imibanire na bagenzi bacu. Imana ishaka ko tuba umwe, ko dukundana, bityo aho uri hose ufate umwanya usengere imibanire yawe n'Imana kugirango ibe myiza, bityo ubashishwe kubana n'abandi neza no gusana imibanire yasenyutse. 

Ingingo yo kuzirikana: Imibanire myiza iteka igomba gusanwa.

Umurongo wo gufata mu mutwe: "Mukore uko mushoboye murwanyu ruhande ngo mubane n'abantu bose amahoro." (Abaroma 12:18)

Ikibazo cyo gutekerezaho: Ninde ngomba kwiyunga nawe uyu munsi?   

Umugoroba mwiza

Pasiteri Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more