IMINSI 40 Y'UBUZIMA BUFITE INTEGO, UMUNSI WA 10, 'UMUTIMA URAMYA IMANA'

IRIBURIRO 



Hari inkuru y'umwana na se nigeze kumva ngira ngo duhereho uyu munsi. Umunsi umwe umwana yarimo atemberana na se, bageze ahantu ku kiraro cy'ibiti bambuka, umwana afata akaboko ka se. Ubwo bakomezaga kujya imbere bambuka ku kiraho, umwana yarushagaho kugira ubwoba kuko ibiti bya nyeganyegaga cyane. Niko kubwira ise ati 'Papa mfata ukuboko." Ise yamufashe ukuboko barambuka, bakomeza urugendo. Bageze imbere ise w'umwana abaza umwana ati " ko wari umfashe ukuboko kuki wagize ubwoba ugasaba ko ngufata ukuboko?" Umwana nawe niko ku musubira ati," kuko jye mfite imbaraga nke, kandi nari mfite ubwoba  ibiti byari kunyeganyega cyane nka kurekura nkagwa, ariko wowe kuko  undusha imbaraga kandi ndi umwana wawe ukunda ntabwo ibiti byari kunyeganyega ngo undekure, ahubwo wari kumfata cyane ngo ntagwa. Uyu ni umunsi wa 10 dusoma igitabo cy'ubuzima bufite intego cyanditswe na Rick Warren. Isomo dusoma uyu munsi rivuga, " UMUTIMA URAMYA IMANA" 


UMUTIMA URAMYA IMANA 

Gutsindwa, ukitanga, ukiyegurira Imana niko kugira umutima uramya Imana. Kwizera bibanziriza kwitanga, iyo wizeye Imana  urayiyegurira, kandi iyo wiyeguriye Imana uba ugize umutima uramya Imana. Kwishyra hejuru, ubwoba no kutamenya ni ibintu bitatu bitubuza kugira umutima uramya Imana. Iyo ufite kimwe muri ibi bitatu tuvuze ntubasha kwiyegurira Imana, kuko kwiyegurira Imana bisaba gutsindwa, kandi uwishyira hejuru ntiyemera gutsindwa. Ikindi bisaba kwizera kandi umunyabwoba n'umuntu uri mu kutamenya ko Imana ishoboye ntabasha kwizera Imana. Rick Warren we ati, "Kwitanga ntabwo bikugabaniriza imbaraga ahubwo birazongera." Iyo witanze ukiyegurira Imana uba wisunze imbaraga zidatsindwa. Uba ubaye nka wa mwana wamenye ko se amurusha imbaraga bityo ageze aho abona ashobora kugwa, aho gufata se, asaba ise kumufata. Uriya mwana yari yizeye ise niko kwemera gushyira ubuzima bwe mu maboko ya se. Iyo wizeye Imana nibwo ubasha gushyira ubuzima bwawe mu maboko yayo, ukayiyegurira.   

Kwitanga, kwiyegurira Imana ni ubuzima bwose, ntabwo twitanga umunsi umwe, kuko Yesu ubwe yavuze ko ushaka ku mukurikira akwiye kwiyanga ubundi akikorera umusaraba we akamukurikira iteka. Bivuze ko ubuzima bw'umukristo bukwiye kuba ubwo kwiyegurira Imana, akaba mu maboko yayo ubuzima bwe bwose.  Reka gusenga mu gusenga kwacu dusabe kugira umutima uramya Imana, bivuze kwiyegurira Imana, tukayiha ubuzima bwacu ikabugenga.  

Ingingo yo kuzirikana: Umutima wo kuramya ni ukwitanga

Umurongo wo gufata mu mutwe:  "Muyiyegurire rwose rwose kugirango mukoreshwe ibyo gukiranuka" (Abaroma 6:13)

Ikibazo cyo gutekerezaho: Ni akahe gace ku buzima bwanjye ntari negurira Imana? 

Mugire umunsi mwiza

Pasiteri Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more