IMINSI 4O Y'UBUZIMA BUFITE INTEGO: UMUNSI WA 2, 'NTABWO URI IMPANUKA'


IRIBURIRO 

Mama ubyara umukinyi w'ikirangirire ukina umupira w'amaguru witwa Cristiano Ronald, yatanze ubuhamya avuga ko yagize igitekerezo cyo gukuramo inda ubwo yari amutwite. Kuri uyu mubyeyi ntabwo yabyaye Christiano yifuza kumubyara, kumubyara byaramutunguye yewe biramugoro kuko yumvaga atifuza kubyara bitewe n'ubuzima yari abayemo. Ariko kuba isi yose izi uyu mukinnyi w'ikirangirire ku Mana  si impanuka, yari imufite mubitekereze byayo  na mbere yuko ababyeyi be bamenyana. Christiano ashobora kuba yarabayeho kubwo kwibeshya cya ubushake buke bwa babyeyi ariko yari mu mugambi w'Imana kuko nta mpanuka ibaho ku Mana.  Kuri uyu munsi wa 2 muri gahunda y'iminsi 40  y'ubuzima bufite intego , turasoma igice kivuga ngo " Ntabwo Uri Impanuka."  

NTABWO URI IMPANUKA 

Umuhanga Albert Einstein yaravuze ngo "Imana ntikora nk'umuntu ukina urusimbi." Mu Rwanda urusimbi muri iki gihe rugezweho ni "Betting", imikono ya mahirwe. Nk'uko inyito iri mu kinyarwanda ni imikoni y'amahirwe. Uyu munsi urakina ugatsinda ejo ugatsindwa. Ubu hari ingo nyinshi ziri guhura ni ntonganya kuko umwe yamariye umutungo mu mikino ya mahirwe. Urusumbi rushingira ku mwuka wo kutanyurwa no gushaka gukira vuba. Ariko niba uzi Imana ukwiye kumenya ko uko uri kose, aho uri hose, ko bitatunguye Imana. Waba ukennye, ukize, warize ukaminuza, cyangwa utarize, ufite ababyeyi cyangwa utabafite, byose Imana iribizi kandi yo ntabwo itungurwa, kuko ubuzima bwawe yari ibuzi na mbere yuko ubaho. "Ndi Umuremyi wawe natangiye kukwitaho uhereye ukuri mu nda." Yesaya 44:2(CEV).  Aha hanze hari abana babakobwa benshi baterwa amabuye ko batwaye inda zidateganijwe cyane ko baba batarashaka abagabo, nibyo baba bakoze icyaha cy'ubusambanyi, ariko abana bavuka kuri abo si impanuka ku Mana. Usanga akenshi abana babyarwa n'ababyeyi batashakanye cyangwa abakobwa batewe inda, bahura n'ikibazo cyo gufatwa nabi haba mu miryango no mu matorero. Abo bana n'impanuka, ni ukwibeshya ku babyeyi, ku bantu, ariko si impanuka ku Imana nabo bariho kubw'Imana. Ntabwo Imana yatunguwe naho wavukiye, abakubyaye, ubwoko bwawe, ibara ry'uruhuu rwawe, oya byose yari ibizi mbere yuko ubaho. Icyo njye nawe dusabwa ni ukumenya ko Imana idatungurwa bityo ko ibitubaho byose dukwiye guharanira gukomeza kuyihesha icyubahiro.  Gusobanukirwa ko abantu tutari impanuka, bidufasha kwiyakira no kumva ko turi abagaciro mu maso y'Imana.   

"Byose bitangirana n'Imana, bigakomezanya n'Imana kandi bikarangirana n'Imana." Birakwiye ko tureka kwisuzugura, no kwiheba ahubwo tumenye ko Imana ihari kandi ko igihe cyose tuyihisemo izasohoza imigambi mwiza yaturemeye. Muri iyi minsi ku rusengero  turi kwiga urwandiko Pawulo yandikiye Abefeso, intego nkuru "the big idea" y'ururwandiko, igira iti "Ntabwo ndiho kubw'impanuka, ahubwo ndiho kubw'umugambi w'Imana, umugambi Imana yiteguriye kera, iwusohoreza muri Kristo Yesu."  Amasezerano yacu  yose, ibyo Imana yagambiriye ku buzima bwacu bwose biri muri Kristo Yesu. Ubwo Imana yamuduhaye izabuzwa n'iki kumuduhana n'ibindi byose? Rekeraho kwiheba no kwitesha agaciro, kuko uri uwigiciro cyinshi mu maso y'Imana. Ahubwo tera intambwe yo kwegera Imana kuko ariyo ifite kuguhishurire impamvu uri aha ku isi, kuko utari impanuka ahubwo Imana yakuremeye ku gukunda.  

Intego yo kuzirikana: Ntabwo ndi imapnuka. 

Umurongo wo gufata mu mutwe: "Ndi Umuremyi wawe natangiye kukwitaho uhereye ukuri mu nda." Yesaya 44:2(CEV). 

Ikibazo cyo gutekerezaho: Nzi ko Imana yandemye mu buryo bwihariye. Ni ibiki muri kamere yanjye, aho nkomoka cyangwa uko nteye ku mubiri numva ntakiriye uko ndi?

Umunsi mwiza, Imana ibahe imigisha.  

Pasiteri Kubwimana Joel 


Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

IMINSI 40 Y'UBUZIMA BUFITE INTEGO, UMUNSI WA 29, 'KWEMERA UMURIMO WAWE'

Image
IRIBURIRO  Umuhamagaro wo gukorera Imana nk'umupasitori ntiwigeze uba mubyo nifuzaga. Ariko kubera kuba umuyobozi w'amakorari, abanyeshuri b'abaporotesitanti mu mashuri y'isumbuye, umuyobozi w'urubyiruko mu itorero, abantu banyitaga pasiteri ntaraba we. Akenshi nahitaga nsubiza ko ntari pasiteri kandi ko ntifuza kuzaba we. Hari na banyitaga 'Mukozi w'Imana,' igisubizo kikaba guhita mbabwira ko ntari pasiteri. Babaga bavuze 'umukozi w'Imana," njye nkumva ko umukozi w'Imana ari pasiteri. Kuko umuntu asiga ikimwirukaho ariko adasika ikimyirukamo, nahunze umuhamagaro ariko wo uramfata. Uyu munsi muri gahunda yo gusoma Igitabo cy'Ubuzima Bufite Intego, turasoma icyigisho kivuga ngo " KWEMERA UMURIMO WAWE."  KWEMERA UMURIMO WAWE Ubu dutangiye intego ya kane ivuga ngo "WAREMEWE GUKORERA IMANA."  Bivuze ko mu byo njye nawe tubereyeho aha ku isi, harimo gukorera Imana. Waba wumva gukorera Imana nk'uko ...
Read more