IMINSI 40 Y'UBUZIMA BUFITE INTEGO: UMUNSI WA 5, 'KUBONA UBUZIMA UKO IMANA IBUBONA'

IRIBURIRO 


Ese urebye neza iyi shusho aba bantu ko buri wese ari mu kuri bari gupfa iki? uvuga ko umubare ari kubona ari gatandatu afite ukuri, ariko n'uvuga ko ari kubona icyenga nawe ari mu kuri. Icyo bari gupfa ni uko buri wese ibyo ari kubona biri guterwa naho ahagaze. Uruhande urimo rushobora gutuma ubona ibintu uko abandi batabibona. Akenshi usanga abantu bamarana banjya impaka buri wese ibyo avuga ari ukuri bitewe naho ahagaze. Uyu munsi wa gatanu icyigisho turasoma kivuga " KUBONA UBUZIMA UKO IMANA IBUBONA."  

KUBONA UBUZIMA UKO IMANA IBUBONA. 

Nk'uko iyi shusho dufite haruguru ibyerekana aho uhagaze hagira uruhare mu uko ubona ibintu. Ubuzima nabwo  n'ink'iyi shusho dufite haraguru: ushobora ku bubona uko Satani abubona cyangwa ukabubona uko Imana ibubona.  Ubuzima bwawe ntushubora kububona uko Imana ibubona utari mu ruhande ry'Imana. Kuba mu ruhande rw'Imana ukagendana nayo nibyo bigufasha kubona ubuzima uko Imana ibubona. 

Anais Nin yagize ati " Ntabwo tubona ibintu nk'uko biri, tubibona nk'uko turi." Njye navuga nti iyo uri uw'Imana ubona ibintu nk'uko Imana ibibona, waba uwa Satani ukabona ibintu uko Satani abibona. Bivuze ko kuba mu Imana cyangwa Satani bigira uruhare ruinini mu uko ubona ubuzima. Ese Imana ibona ubuzima gute? Rick Warren atanga ibintu bitatu bigaragaza uko Imana ibona ubuzima: 
1. Ubuzima ni igeragezwa 
2. Ubuzima ni indagizo 
3. Ubuzima ni igihe dufashe ku murimo 
Muri iki cy'igisho cya none twavuze ku buzima nk'igeragezwa n'ubuzima nk'indagizo. Icya gatatu tuzakirebaho mu cy'igisho cy'ejo.  

1. Ubuzima nk'igeragezwa: Kuva mu Itangiriro tubona Adamu na Eva bahabwa igeragezwa yewe gutsindwa kwabo kwazanye urupfu. Rick Warren we ati muri Bibiliya "Tubona Imana igerageza imico y'abantu, igerageza kwizera kwabo, kumvira kwabo, urukundo rwabo, ubunyangamugayo n'ubudahemuka." Akomeza yerekana ko amagambo ibigeragezo, ibishuko, gutunganywa, gupimwa, n'andi nkayo ko agaruka muri Bibiliya inshuro zirenga 200. Bivuze ko kugeragezwa ni ubuzima bwa bizera Imana, kandi ko bidutegurira ingororano nyuma yo kunesha. Yakobo yabizuve neza ko " Hahirwa umuntu wihangani ibimugerageza, kuko namara kwemera azahabwa ikamba ry'ubugingo, iryo Imana yasezeranije abayikunda." (Yakobo 1:12). Nubwo kugeragezwa bizana ingororano iyo habayeho kunesha cyangwa gutsinda, ariko usanga akenshi dutinya kugeragezwa. Gutinya kugeragezwa ni ugutsindwa, ni ukugwa mu mutego wo kuba muri gereza y'ubwoba.  Imana mu rukundo rwayo rwinshi yadusezeranije ko tutazageragezwa ibirenze ibyo tutabasha kwihanganira. Reka duhagarare dushikamye kugirango Satani ataturiganya bityo tugatsindwa igeragezwa kandi ubuzima bwacu ku isi ari igeragezwa ridutegurira ubuzima bw'iteka. 

2. Ubuzima nk'indagizo, Igihe tumara ku isi, imbaraga zacu, amahirwe, ubwenge, ibyo dufite byose, abo dufite bose, ni impano twahwe n'Imana; ni indagizo twaragijwe n'Imana. Ubuzima nk'indagizo y'Imana dukwiye ku bubona nk'uko Imana ibubona. Ibyo nibyo byadufasha no kubucunga neza, kuko iyo uragijwe habaho ko uwakuragije aza kureba ibyo yakuragije. Rick Warren we yagize ati " Uburyo ncungamo amafaranga (ubutunzi bw'isi) ni byo biha Imana icyizere cyo kumbitsa imigisha yo mu Mwuka (ubutunzi bw'ijiru).  Asoza agira ati "Ubuzima ni ikizamini ariko ni n'ikibitsanyo, kandi uko Imana irushaho kuguha byinshi, ni ko igutegerezaho kurushaho kuba inyangamugayo."  Ese ucunga gute ubuzima waragijwe n'Imana? ubucunga nk'uko ibishaka cyangwa uko Satani abishaka? ibi bibazo ubitekerezeho byagufasha kumenya uruhande uhagazeho.  

Reka duharanire kuba mu ruhande rw'Imana kugirango tubashe kubona ubuzima nk'uko ibubona tuzirakano ko ubuzima ari igeragezwa kandi akaba ari n'indagizo. Kandi ko ku iherezo hazabaho guhembwa kubatsinze byumvikane ko hazabaho guhanwa kubatsinzwe. 

Ingingo yo kuzirikana: Ubuzima ni igenzurwa kandi ni indagizo. 

Umurongo wo gufata mu mutwe: "Niba udakiranuka mubyoroheje, ntuzashobora gukiranuka mu bikomeye" Luka 16:10 (NLT) 

Ikibazo cyo gutekerezaho: Ni iki cyaba cyarambayeho muri iyi minsi ubu nsobanukiwe ko ari Imana yakingeragereshaga?  Ni ibihe bintu by'agaciro Imana yaba yarambikije? 

Mugire ibihe byiza 

Pasiteri Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

IMINSI 40 Y'UBUZIMA BUFITE INTEGO, UMUNSI WA 29, 'KWEMERA UMURIMO WAWE'

Image
IRIBURIRO  Umuhamagaro wo gukorera Imana nk'umupasitori ntiwigeze uba mubyo nifuzaga. Ariko kubera kuba umuyobozi w'amakorari, abanyeshuri b'abaporotesitanti mu mashuri y'isumbuye, umuyobozi w'urubyiruko mu itorero, abantu banyitaga pasiteri ntaraba we. Akenshi nahitaga nsubiza ko ntari pasiteri kandi ko ntifuza kuzaba we. Hari na banyitaga 'Mukozi w'Imana,' igisubizo kikaba guhita mbabwira ko ntari pasiteri. Babaga bavuze 'umukozi w'Imana," njye nkumva ko umukozi w'Imana ari pasiteri. Kuko umuntu asiga ikimwirukaho ariko adasika ikimyirukamo, nahunze umuhamagaro ariko wo uramfata. Uyu munsi muri gahunda yo gusoma Igitabo cy'Ubuzima Bufite Intego, turasoma icyigisho kivuga ngo " KWEMERA UMURIMO WAWE."  KWEMERA UMURIMO WAWE Ubu dutangiye intego ya kane ivuga ngo "WAREMEWE GUKORERA IMANA."  Bivuze ko mu byo njye nawe tubereyeho aha ku isi, harimo gukorera Imana. Waba wumva gukorera Imana nk'uko ...
Read more