IMINSI 40 Y'UBUZIMA BUFITE INTEGO: UMUNSI WA 4, 'WAREMEWE KUBAHO ITEKA'

IRIBURIRO


Samuel Eto'o ni umwe mu byamamare mu mupira w'amaguru Afurika yagize. Mu kiganiro cy'imikino yigeze kuvuga uko yagiriye umukinnyi witwa Eden Hazard ubwo bakinanaga mu iki ya Chelsea. yagize ati "Nabonye Hazard atitabira imyitoza neza, niko kumubwira nti, umva njye nakinanye n'abakinnyi babahanga benshi bakurenze, muri abo Ronaldinho iyo aza kuba yarakoraga imyitoze uko bikwiye ntabwo Messi na Christiano bavugwa cyane muri iki gihe baba bavugwa. Kuko nubu Ronaldhino ya ngombye kuba akiri igihangange, ariko siko biri yamamaye igihe gito kubera kwiyizera cyane nta kore imyitozo. Nuko rero nawe niba ushaka kwamamara ukagera kuri byinshi ukwiye guha agaciro gukora imyitozo." Koko abareba umupira w'amaguru bazi neza ko uyu mukinnyi Eto'o ari kuvuga ariwe Ronaldinho ko yari afite ubuhanga byinshi, ariko Eto'o nk'umwe mubakinanye nawe muri Barcelone yabonye ko atakoraga imyitozo uko bikwiye, bityo bituma yamamara igihe gito. Uyu munsi wa 4 turasoma igice kivuga ko "WAREMEWE KUBAHO ITEKA." 

 WAREMEWE KUBAHO ITEKA 
Ugitangira gusoma Iriburiro ukumva mvuga iby'abannyi n'imyitozo wa kwibaza ngo bihuriyehe no kuvuga ko 'twaremewe kubaho iteka?'  Imana iturema ya dushyizemo ibitekerezo by'iteka, ku buryo umuntu aho ava akagera, yaba yemera Imana cyangwa atayemera aziko ubuzima butarangirira aha ku isi. Abanyarwanda bo na mbere y'ubukristo bari bazi neza ko iyo umuntu apfuye aba "yitabye Imana." Nk'uko ejo hashize twabibonye umunsi umwe twese duzahagaraga imbere y'Imana, muyandi magambo twese tuzitabira ubutumire bw'Imana. Rick Warren muri byinshi yahishuriwe harimo ko " ubuzima tubaho aha ku isi ari imyitozo y'ubuzima tuzabaho iteka mu ijuru." Aha niho nahereye ntangira nguha urugero rwa bakinnyi n'imyitozo. Kwitoza neza hamwe n'abandi bifasha umukinnyi kuzamura urwego rw'imikinire rwe. Ariko ubuhamya bw'ibihangange biyoboye abandi mu mupira w'amaguru " Messi  na Christiano," bugaragaza ko nanyuma yo kwitoza hamwe n'abandi bo bakomeza imyitozo mu rugo ku buryo bagira n'abatoza babo bihariye. Bivuze ko kwitoze bigira akamaro kanini ku musaruro batanga iyo bakina. Kwiyizeraho impano ntiwitoze bituma umukinnyi atakaza n'impano yari afite, kuko impano ityazwa n'imyitozo. Niko biri no mubuzima bwacu bwa Gikristo, ntabwo twakwicara ngo Imana yaduhaye Yesu. Ahubwo twahawe Yesu ngo tumukoreshe iki? Ese ibyo Imana yaduhereye muri Kristo byo tubikoresha iki? Uko tubayeho aha ku isi, ibyo dukora muri ubu buzima bwaha ku isi nibyo bigaragaza ubuzima tuzabaho iteka nyuma yo guca mu irembo ryitwa urupfu cyangwa impanda ivuze.  

Isengesho Umwami Yesu yigishije abigishwa be ritwereka ko dukwiye guharanira ko " Ubwami bw'Imana buza ku isi kandi ko ubushake bw'Imana buba mu isi nk'uko buri mu ijuru." Muyandi magambo imyitozo yacu ikwiye kuba iyabantu bari kuruhande rwabavuga ngo, " Mana, byose bibe  uko ushaka ", ntabwo dukwiye kubaho nk'abantu Imana ibwara ngo "ubwo ari uko ubyifuza, ngaho byose bibe uko ushaka." Twaremewe guhesha Imana icyubahiro dukora ubushake bwayo. Reka igihe gito cyangwa kinini ufite aha ku isi, uzirikane ko aricyo kigutegurira ubuzima bw'iteka ryose. 

Ingingo yo kuzirikana: Ubuzima bwacu burenze ibyo tubonesha amaso. 

Umurongo wogufata mu mtwe: " Iyi si ishirana no kwifuza kwayo, ariko nukora ibyo Imana ishaka uzabaho iteka ryose." 1Yohana 2:17 (NLT)

Ikibazo cyo gutekerezaho: Ubwo umaze gusobanukirwa ko waremewe kubaho iteka, tekereza ikintu kimwe wajyaga ukora wari ukwiye guhita ureka kandi utekereze n'ikindi utajyaga ukora ukwiye gutangira gukora uyu munsi?  

Nkwifurije umunsi w'umunezero

Pasiteri Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

IMINSI 40 Y'UBUZIMA BUFITE INTEGO, UMUNSI WA 29, 'KWEMERA UMURIMO WAWE'

Image
IRIBURIRO  Umuhamagaro wo gukorera Imana nk'umupasitori ntiwigeze uba mubyo nifuzaga. Ariko kubera kuba umuyobozi w'amakorari, abanyeshuri b'abaporotesitanti mu mashuri y'isumbuye, umuyobozi w'urubyiruko mu itorero, abantu banyitaga pasiteri ntaraba we. Akenshi nahitaga nsubiza ko ntari pasiteri kandi ko ntifuza kuzaba we. Hari na banyitaga 'Mukozi w'Imana,' igisubizo kikaba guhita mbabwira ko ntari pasiteri. Babaga bavuze 'umukozi w'Imana," njye nkumva ko umukozi w'Imana ari pasiteri. Kuko umuntu asiga ikimwirukaho ariko adasika ikimyirukamo, nahunze umuhamagaro ariko wo uramfata. Uyu munsi muri gahunda yo gusoma Igitabo cy'Ubuzima Bufite Intego, turasoma icyigisho kivuga ngo " KWEMERA UMURIMO WAWE."  KWEMERA UMURIMO WAWE Ubu dutangiye intego ya kane ivuga ngo "WAREMEWE GUKORERA IMANA."  Bivuze ko mu byo njye nawe tubereyeho aha ku isi, harimo gukorera Imana. Waba wumva gukorera Imana nk'uko ...
Read more