Nehemiya urugero rw'umuyobozi ukenewe mu Itorero rya none

Iriburiro

Muri iyi minsi mu itsinda 'Dusome Bibiriya' turi gusoma igitabo cya Nehemiya. uyumunsi twasomye igice cya 6, aho dusanga Sanibarati, Tobiya na Geshemu bohereza Nehemiya ubutumwa bwo kumutera ubwoba ngo areke umurimo wo kubaka. Ubu ni ubugira kabiri ngira amahirwe yo gusoma iki gitabo cya Nehemiya, icyo maze kubona ni uko Nehemiya yari umuyobozi windashikirwa mu gihe cye. 

Mu igice cya mbere ubwo Nehemiya yari amaze kumva amakuru y'i Yerusaremu ko hasenyutse kandi ko nabasigaye basekwa, yagize agahinda. Uretse kugira agahinda yafashe umwanya wo gusenga asaba Imana imbabazi yatura ibyaha bya Abisiraheri bene wabo. umwami amaze kumuha uruhushya rwo kujya gusana i Yerusaremu, Nehemiya nti yagezeyo ngo yishyire hejuru. Aho kwivuga ko ariwe uje gukora ibitangaza Nehemiya yabwiye abantu uko Imana yabanye nawe, bityo abantu bumvako bagiye gukorana n'umuntu uri kumwe n'Imana. Muri iki gihe uzumva abakozi b'Imana benshi bivuga ibigwi, bavuga ko bakiza,aho kuvuga ko hakizimana. Usanga bene abo bashyira imbere inyungu zabo aho gushyira imbere inyungu zabo bayoboye. Ntabwo Nehemiya yaje i Yerusaremu kugirango abantu bamwemere, cyangwa bamusingize, ahubwo yaje kuko atari ashimishijwe no kumva amakuru y'i yerusaremu. 

Iyerusaremu hari harasenyutse, ariko abahasigaye ba Bayahudi batari barajyanywe mubunyage bari babayeho nabi. Benshi muribo ibyabo byari byarashize bitwarwa nabamwe muribo (Impfura/Nobles, na batware). Kuko hari inzara benshi batanze amasambu, inzabibu, abakobwa babo ho igwate birangira byose bitwawe kuko batabashije kwishyura. Nehemiya amaze kumva amarira yabantu, ahamagara impfura na batware bo mu bayuda arabacyaha abasaba gusubiza abantu ibyo babatwaye kubera inyungu. Mu mategeko Mose yari yarabahaye byari bibujijwe gusaba inyungu ku mafaranga bagurizanya. Aba bahise bemera kubisubiza, kuko nabo bari baziko Nehemiya we adashyira imbere inyungu ze ahubwo areba umurimo wo gusana inkike z'i Yerusaremu. 

kuki Nehemiya ari urugero ryiza rw'umuyobozi ukenewe mu Itorero rya none? 

Hari ibintu byinshi byamaze gusenyuka mu matorero: urukundo ryarakonje, hariho kwikunda no kwikubira mu bayobozi cyane, guharanira inyungu zabo aho gushyira imbere inyungu z'intama baragiye, insengero zimwe zirafunze kuko zitujuje ibisabwa nyamara abayobozi na bamwe mubakirisitu bari mu mazu yibitabashwa. Hakenewe abayobozi nka Nehemiya: 
  1. Bababazwa nuko Itorero ritukwa, rivugwa nabi, risuzugurwa 
  2. Bafata ibihe byogusenga, kwatura ibyaha byabo nibyabo bayoboye 
  3. Badatinya ba Sanibarati, Tobiya na Geshemu, ahubwo bahora biteguye kurwanira intama zabo 
  4. Abayobozi bashobora gutinyuka kubwira Imana ngo uzatwibukire kubyo twakoreye abantu bawe.  

Reka nsoze gushishikariza gusoma igitabo cya Nehemiya no gukunda gukoresha imbaraga, ubutunzi, ubwenge Imana yaguhaye ku murimo wayo. 



Imana ibahe imigisha. 

Pasitori Kubwimana Joel


Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

IMINSI 40 Y'UBUZIMA BUFITE INTEGO, UMUNSI WA 29, 'KWEMERA UMURIMO WAWE'

Image
IRIBURIRO  Umuhamagaro wo gukorera Imana nk'umupasitori ntiwigeze uba mubyo nifuzaga. Ariko kubera kuba umuyobozi w'amakorari, abanyeshuri b'abaporotesitanti mu mashuri y'isumbuye, umuyobozi w'urubyiruko mu itorero, abantu banyitaga pasiteri ntaraba we. Akenshi nahitaga nsubiza ko ntari pasiteri kandi ko ntifuza kuzaba we. Hari na banyitaga 'Mukozi w'Imana,' igisubizo kikaba guhita mbabwira ko ntari pasiteri. Babaga bavuze 'umukozi w'Imana," njye nkumva ko umukozi w'Imana ari pasiteri. Kuko umuntu asiga ikimwirukaho ariko adasika ikimyirukamo, nahunze umuhamagaro ariko wo uramfata. Uyu munsi muri gahunda yo gusoma Igitabo cy'Ubuzima Bufite Intego, turasoma icyigisho kivuga ngo " KWEMERA UMURIMO WAWE."  KWEMERA UMURIMO WAWE Ubu dutangiye intego ya kane ivuga ngo "WAREMEWE GUKORERA IMANA."  Bivuze ko mu byo njye nawe tubereyeho aha ku isi, harimo gukorera Imana. Waba wumva gukorera Imana nk'uko ...
Read more