Kwibuka Mahoro Giovanni: Kuwa 25/01/2022

 


Kuwa 25 Mutarama 2016, Umuryango, inshuti n'abakunzi ba Radiyo Salus nibwo inkuru ibabaje yurupfu rwa Mahoro Giovanni wari umwe mu banyamakuru bakunzwe kuri Salus Radio yatugezeho. Kuri iyi tariki umuryango,n'inshuti za nyakwigendera turamwibuka nk'umuvandimwe, inshuti, n'umukozi wakundaga umurimo we kandi akawukora neza. Giovanni yakoraga ibiganiro bitandukanye ariko twamenyanye kubera ikiganiro yakoraga ku cyumweru mu gitondo akangurira abantu kujya gusenga. Muri icyo kiganiro yakundaga gukoresha indirimbo zihimbaza Imana cyane cyane iza makorari yo muri Huye. Giovanni ntiyagiraga ivangura kuko wumvaga ko amatorero yose afite amakorari yakoze indirimbo yazishyiragaho. Twamanyanye kuko yazaga kunsura tuganira ku buryo bwo guteza imbere ivugabutumwa binyuze mu indirimbo cyane cyane iza makorari. Yitabye Imana twaramaze gutegura gahunda yo gukora igiterana cya huza za korari zo muri Huye. 

Abakoranye na Giovanni, inshuti ze zahafi tuzirikana urukundo gucabugufi n'umurava byamurangaga. Akaba ariyo mpamvu uyu munsi I Huye mu murenge wa Ngoma haraba umuhango wo kumwibuka no gishyira indabo ku mva ye. Turashimira inshuti mwese mukomeje kwitabira buri mwaka iyi gahunda no gushyigikira umubyeyi wa mahoro Giovanni, Imana ibahe umugisha. Ubuzima  Giovanni yabayeho ni urugero rwiza rwo gukoresha impano zacu neza, kuburyo dusiga inkuru nziza imusozi. Ese njye nawe tuzibukirwa kuki? Uko dukomaje kuzirikana imirimo, n'imibereho bya Mahoro niko natwe dukwiye kubaho no gukora mu buryo butuma tugira imirimo myiza izaduherekeza nk'uko ijambo ry'Imana ribivuga mu Byahishuwe  14:13 "Numva ijwi rivuga mu ijuru rimbwira riti " Andika uti 'Uhereye none hahirwa abapfa bapfira mu mwami wacu'." Umwuka na we aravuga ati " Yee, ngo baruhuke imihati yabo, kuko imirimo yabo ijyanye nabo ibakurikiye." Giovanni yakurikiwe n'umurimo wo gukoresha akazi ke mu kwamamaza ubutumwa bwiza bwa Yesu Kristo. Reka natwe mugihe tugihumeka umwuka wa bazima duharanire gusohoza inshingano nkuru Yesu yasigiye Itorero ariyo guhindurira abantu bo mu mahanga yose kuba abigishwa ( Matayo 28?18-20). 

 

Umuryango, Inshuti mwese reka dukomeze kuzirikana umubyeyi we nawe dukomeze kumufasha no kumukomeza. 

 

Imana ibahe umugisha. 

Pastor Kubwimana Joel 

 

 

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more