Matayo 14: 22-33: YESU NI WE MUTABAZI WACU MUGIHE CY’AMAKUBA

 Iriburiro 


Ushobora gusubiza amaso inyuma, ukareba ibibazo byinzitane ufite kandi  waburiye ibisubizo; ukaba wakwibaza uti,  Ese Yesu ni Umutabazi wacu mu gihe cy’amakuba koko? Uyu munsi ndagirango nkubwire ko ijambo ry'Imana ari ukuri, Yesu ni umutabazi wacu mugihe cy'amakuba. Tugendeye ku butumwa bwiza dusanga muri Matayo 14:22-33, ubwo abigishwa ba Yesu bahuye n'umuyaga mwinshi hakiyongeraho kugira ubwoba bwo kubona Yesu agenda hejuru y'amazi bakagirango ni umuzimu, Yesu ni umutabazi. Iyo turi mu muraba w'ibibazo, duteraganywa hirya no hino, urugero iki cyorezo cya COVID-19, zirikana ko Yesu ahari kandi ari umutabazi. Hari ibintu bitatu ngirango uzirikane uyu munsi: 

1.  Yesu yigaragaraza mu makuba      V. 25 -26

Ku murongo wa 25 nuwa 26 tubona Yesu yigaragaza ubwo abigishwa bari mu makuba yo guhangana n'umuraba mu nyanja no kugira ubwo bwo gutinya umuzimu. Inyanja igereranywa n'isi turimo naho umuraba ukagereranywa n'ibibazo duhura nabyo. Inkuru nziza ni uko Yesu adakangwa na biracitse ahubwo iyo bikomeye niho yigaragaza. Bityo aho gukuka umutima zirikana ko Yesu ari kumwe nawe bityo umwiyambaza kuko atabura kwigaragaza mu makuba duhura nayo. 

2. Yesu araduhumuriza mugihe cy'amakuba  

Muri kamere ya muntu harimo gutinya umuzimu, uretse umuraba abigishwa bari bahanganye nawo bagize ubwoba ubwo babonaga Yesu kuko baketse ko ari umuzimu. Kuribo ntabwo byari byoroshye kwiyumvisha ko umuntu yagenda hejuru ya mazi y'inyanja, bumvaga ko ari umuzimu uje ubasatira. Ariko Yesu yabanje kubahumuriaz ati "Nimuhumure ni jyewe, mwitinya." Uyu munsi natwe Yesu ari kutubwira ngo 'duhumure tureke gutinya, nubwo hari umuraba witwa koronavirusi, n'ibindi bibazo byinshi, Yesu ari kuduhumuriza atubwira ngo 'ntidutinye.' 

3. Yesu   afite ubushobozi n’ububasha bwo guhagarika amakuba Vs 32-33  

Yesu ntabwo yigaragaje gusa, ntabwo yahumurije abigishwa be gusa, ahubwo yaturishije umuraba mu nyanza abigishwa batura ko ari Umwana w'Imana koko. Ntabibazo, ntabyago bikomeye twanyuramo Yesu adafite ubushobozi n'ububasha bwo guhagarika. Umwami twizeye ashobora byose,  afite ububasha bwose n'ubushobozi bwose. Reka dukomeze kumwizera no kumwiringira kuko 'ariwe mutabazi wacu mugihe cy'amakuba.' 

Amakuba tunyuramo mu buzima,  ntabwo abereyeho kudutandukanya n’Imana ahubwo akwiye kutwibutsa ko dukwiriye guhanga amaso Kuri Kristo, Umutabazi wacu kuko niwe soko y’ubuzima bwacu. Afite isi yose mu kinganza cye.  Mubyukuri ntabwo byoroshye kubona ko ibibazo bishobora kuba inzira y’ igisubizo ukeneye. Ntabwo nzi ibibazo  bikugarije  muri uyu mwanya, ariko nzi ko hari uzi ibibazo byawe,   ariwe Yesu Kristo! Muture ibibazo ufite wowe ubwawe, arakumva kandi aragufasha. Niba ukeneye ubufasha buvuye kuri Kristo, uyu ni umwanya wawe, muzanire ibibazo maze akore umurimo we. 

By Pst: Jean Bosco NTAKIRUTIMANA

Harvest Bible Chapel/ Mahoko

September 27, 2020

3.


Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more