" Witwa nde?" " Ndi Yakobo"


Iriburiro 


Intego Nkuru y'icyigisho: " Kwemera uwo uriwe bikugeza i Penuweli, bivuze kurebesha Imana amaso." 

Mu materaniro twagize mu rugo uyu munsi twaganiriye ku nkuru ya Yakobo dusanga mu (Itangiriro 32: 23-33). Ubwo Yakobo yari mu inzira ava kwa Rabani asubiye kwa se aho yagombaga kongera guhura na mukuru we Esawu yari yarariganije, yageze aho yiherera asigara ari wenyi. Aho niho yaraye ijoro ryose akirana n'umugabo wari Malayika w'Imana. Uyu mugabo ngo yabonye bukeye akora ku mutsi wo kunyonga y'itako rya Yakobo urareguka. Ariko nabwo Yakobo yanze kumurekura atamuhaye umugisha. Undi niko kumubaza ati: "Witwa nde?" Yakobo asubiza agira ati " Ndi Yakobo." (Itangiriro 32:28) Iki gisubizo cya Yakobo ntabwo gisanzwe kuko ntabwo yasubije ngo nitwa Yakobo, ahubwo yavuze uwo ariwe by'ukuri " Ndi Yakobo" Muyandi magambo "ndi Umuriganya." Izina Yakobo risobanuye umuringanya, aha Yakobo yari yameye uwo ari we nyuma y'imyaka mwinshi arwanira kuba uwo atari we. Nyuma yo kwemera uwo ariwe nibwo Yakobo yabwiwe aya magambo: "Aramubwira ati “Ntucyitwa Yakobo ukundi, ahubwo uzitwa Isirayeli, kuko wakiranije Imana n'abantu ukanesha.” Yakobo amaze kwemera uwo ariwe by'ukuri nibwo yahinduriwe izina. Niko kwita aho hantu 'Penuweli" Bisonabura 'kurebana n'Imana amaso ku maso." Yakobo yatangajwe nuko umuntu nkawe arebye Imana ariko ntiyapfa. Hari itandukaniro ryari ryabaye mu buzima bwe, yari yahindutse kubwo kwemera uwo ari we. Hari ibintu bitatu twakwigira kubuzima bwa Yakobo byadufasha kwemera kuba abo turibo. 

1. Rekeraho guharanira kuba uwo utari we  

Iyo usomye mu Itangiriro 25 uhereye ku murongo wa 19, ubona uko Rebeka yasamye abana bagakiranira munda ye, uko Yakobo yavutse afashe agatsitsino ka Esawu, urakomeza ukabona uko Yakobo yariganije Esawu ubukuru n'Umugisha, bikamuviramo guhunga. Yakobo yaharaniye kuba mukuru kandi abigeraho akoresheshe uburiganya. Ariko aha muri iki gice nyuma yigihe kirekire ari mu buhungiro yarahunze mukuru we ageze aho yatura uwo ariwe by'ukuri, 'umuriganya.' Natawe iyo mu buzima bwacu ahatirimo kwemera abo turibo usanga duhura ni byago byinshi harino no kuba impunzi duhunga kubera ibyaha byacu, no kugendana imitima iducira urubanza. Mu muco wacu Abanyarwanda harimo kwihishira, uburyarya, kwigaragaza uko tutari. Umuntu arapfusha mwahura ukamubaza ngo amakuru nawe ati 'ni meza.' Abandi usanga dukubura imbuga imyanda tuyijyana mu gikari aho abantu batareba, tugakubura mu ruganiriro "salon" imyanda tuyijyana mu mbere. Usanga dushaka kugaragaza ko dufite isuku dusukura aho abantu babona nyamara turara mu mwanda, turira mu mwanda, mbese usanga benshi tubayeho mu buzima bw'ikinyoma, turi abo tutari bo. Usanga tujyana no mu bukirisitu: uburyarya, uburiganya, kwishushyanya, ni bindi bitari byiza dukora dushaka kuba abo tutaribo. Nka Yakobo dusabwa kwemera kuba abo turi bo imbere y'Imana, kugirango duhabwe umugisha uruta iyindi ariwo Yesu Kristo. Gukwiza ni ubuntu ariko dusabwa gutera intambwe yo kwemera ko turi abanyabyaha, kugirango Yesu adukize, adushoboze guca bugufi kugirango Imana ishyirwe hejuru.  

2. Reka guhanga amaso abantu n'ibintu, utumbire Imana 

Yakobo amaze guhungira kwa Rabani kuva ku munsi wa mbere akibona Racheli ntabwo yongeye kugira ikindi arangamira uretse gukora ibishoboka byose ngo ahabwe Racheli. Yewe ntabwo yigeze amenya n'umuco w'igihugu arimo 'ko bitemewe gushyingira umuto umukuru tarashyingirwa,' kugeza ubwo yabyukaga agasanga bamushyingiye Leya atigeze atakereza ko yaba umugore we. Usibye guhanga amaso Racheli ya kundaga, Yakobo yakoze ibishoboka byose kugirango amatungo azajya avuka havuke afite ibara yasabye ko riba irye. Imbaraga ze intumbero ye byari ku bantu n'ibintu. Yakoresheje ubwenge bwe, imbaraga ze ahangana na bantu ashaka ibintu. Yahereye kuri Mukuru we aramutsinda, ahangana na nyirarume Labani aramutsinda, akirana na Malayika ijoro ryose ariko kubwirwa ko 'yakiranye  n'Imana na bantu akanesha.'  Imbere ya bantu Yakobo yaneshesheje uburiganya ariko imbere y'Imana Yakobo yaneshesheje kwatura yemera uwo ariwe by'ukuri. Yemeye ko ari umuriganya. Niko guhabwa umugisha utari ibintu kuko yari abifite, utari abagore na bana kuko yari abafite, ahubwo umugisha wo kwemerwa ni Mana. Igihe cyose intumbero yacu iri ku bantu n'ibintu ntabwo tubasha kwemera abo turibo, dukomeza kuba mu buryarya, uburiganya no kwishushanya ngo twemerwe na bantu, ngo tubona ibintu. Dusabwa guhindura intumbero tugatumbira Imana yo yaremye abantu n'ibintu.  Reka Yesu Kristo abe intumbero yacu, icyitegererezo cyacu, abe ariwe tugera ikiringe mucye muri byose, nibwo tuzabasha kuba abo turibo kuko muri Yesu hatabamo kwishushanya. 

3. Ewemera intege nke zawe kugirango imbaraga z'Imana zikorere muri wowe 

Kuki Malayika yakoze ku mutsi w'inyonga y'itako rya Yakobo? Iki cyari ikimenyetso ko Yakobo adakwiye kongera kwishingikiriza ku mbaraga ze ahubwo ko yari atangiye urugendo rwo kwishingikiriza ku Mana. Ubwo yakoreshaga imbaraga ze  ariganya Esawu nti byamubujije guhunga Esawu. Ubwo yari mu nzira agaruka ubwoba yari afite bwo guhura na Esawu bwamuteye kwegera Imana, niko kugera aho yemera uwo ariwe. Iyo dutsinzwe amaboko tukayamanika nibwo Imana intagira gukora imirimo ikomeye mu buzima bwacu. Yakobo ucumbagira niwe wahuye na Esawu, Yakobo ucabugufi akikubita imbere ya mukuru we inshuro nyinshi niwe wahuye na Esawu.  Kwikubita imbere ya Esawu, kumugenera amaturo yishimwe byose byagaragaza ko Yakobo yewe uwo ariwe. Ko yasobanukiwe neza ko kuba mukuru mu muryango ataribyo Imana irebaho ahubwo ko ireba umutima. Muyandi magambo ukwikubita imbere ya Esawu tubona mu Itangiriro 33, bigaragaza gusubiza Esawu icyubahiro cy'ubukuru yari yaramutwaye. Igihe cyose twiyizeye, twizeye imiryango, ubwenge bwacu, ikoranabuhanga, usanga dukorwa n'isoni iyo ibibazo bije ibyo bwose nti bigire icyo bimara. Igihe turimo cya Koranivirusi cya tweretse neza ko ibindi byose twishingikirizaho bidutenguha mu mwanya muto. Ariko Yesu Kristo we no mu rupfu turajyana, bivuzeko abana natwe hose no muri byose. Kugirango Yesu akorere muri twe dusabwa gucabugufi, kwemera ko turi abanyantege nke, muri make kwemera abo turibo 'abanyabyaha.' 

Waba umujura, umwicanyi, umusambanyi, umurozi, umubeshyi, umuriganya, iryarya, umusinzi, ni bindi byinshi nta rondora, iyo wemeye kwatura uwo uriwe Yesu ara kubabarira agahindura ubuzima bwawe.  Icyo jye nawe dusabwa ni kimwe ni ukutiyemera, kureka uburyarya, uburiganya, ahubwo tukemera abo turibo.  Abantu imbere y'Imana turi abanyabyaha, bityo kwemera ko turi abanyabyaha nibyo bikingura irembo ryo gutuma tugera Penuweli, kureba ubwiza bw'Imana, icyubahiro cy'Imana gukora kw'Imana. Bityo kwemera uwo uriwe imbere y'Imana nibyo bitugeze ku kureba Imana, kubona imirimo yayo mu buzima bwacu bwa buri munsi haba mubyiza cyangwa ibibi. 

Imana ibahe umugisha  

Pasitori Kubwimana Joel





Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

Isabato n'Icyumweru mu mboni ya Bibiriya.

Image
Iriburiro Isabato n’icyumweru ni iminsi ikomeye mu buzima bw’abayoboke b’amadini nk’Abayahudi, Abadivantisiti b’umunsi wa Karindwi… Kiliziya Gatolika, Abaporotesitanti n’abandi. Usanga hari impaka hirya no hino mu bayoboke b’amadini n’amatorero ku munsi nyawo wahariwe gusenga cyangwa se umunsi twafata ko wera. Usanga amahame no kwemera kw’amadini n’amatorero ari isoko y’impaka twavuze. Ariko se Bibiliya yo ibivugaho iki? Hari icyo Bibiliya ivuga ku Isabato? Ku Cyumweru? Ese Isabato ni umunsi wera kuruta indi? Ese icyumweru cyo ni umunsi wera kuruta indi? Mu kwandika iki gitabo twakoze uko dushoboye twifashisha Bibiliya cyane kugira ngo twirinde kugira indi myumvire itari iya Bibiliya dushyira imbere. Bityo turagerageza kureba icyo Bibiliya ivuga ku munsi w’Isabato. Ese Isabato n’iki? Tuze no kureba ku munsi wo ku cyumweru niba hari icyo Bibiliya ivuga kuri uyu munsi. Turasoza dutanga umwanzuro usubiza ikibazo kigira kiti ”Ese abasenga ku cyumweru baba bishe itegeko ry’Imana?” I.1. ...
Read more