Umukristo mu nzira ndende y'urusobe y'Imana

Iriburiro



Intego Nkuru: " Mu nzira ndende y'urusobe y'Imana nimo twigira kwishingikiriza ku Mana yonyine."  

17 Farawo amaze kureka ubwo bwoko bugenda, Imana ntiyabacisha mu nzira inyura mu gihugu cy'Abafilisitiya nubwo ari yo busamo, kuko Imana yibwiraga iti “Abantu be kwicuza ubwo bazabona intambara, ngo basubire muri Egiputa.” 18Ahubwo Imana ibagendesha ibizigu, ibacishije mu nzira inyura mu butayu ikajya ku Nyanja Itukura, Abisirayeli bava mu gihugu cya Egiputa bafite intwaro. (Kuva 13:17-18)

Muri kamere ya muntu dukunda ibyihuse, inzira z'ubusamu nizo dukunda. Usanga dushaka kugera kuri byinshi kandi vuba, ikindi ubu turi mu kinyajana cyiswe icy'umuvuduko. Usanga buri wese ari kwiruka ashaka gutera imbere. Ariko Imana yo  ntabwo inzira zayo ari nk'izacu abantu. Ubwo Abirirayeli bavaga muri Egiputa byajya i kanani hari inzira ebyiri: Imwe yari inzira yu busamo inyura mu gihugu cya Bafilisitiya, aho bari kugenda iminsi itanu bakaba bageze i Kanani. Inzira ya kabiri yari iyo kunyura mu butayu bambutse inyanja itukura. Iyi nzira ndende yo kugenda ibizigu niyo Imana yahisemo kunyuzamo ubwoko bwayo. Urugendo rw'Abisirayeli bava muri Egiputa bajya i Kanani rugereranywa n'urugendo rwacu Abakristo rwo kuva mu isi y'ibyaha tugana mu bwami bw'Imana. Muri Matayo 7:13-14 Yesu agaragaza ko irembo rifunganye ariyo nzira ijyana mu bugingo. Wa kwibaza impamvu inzira iruhije, ifunganye, inzira ndende y'urusone ariyo Imana inyuzamo abantu bayo? Hari ibintu bine twa kwigira kurugendo rw'Abisirayeli byadufasha kumva no gusobanukirwa impamvu Imana iducisha mu nzira ndende y'urusobe.  

1. Imana igucisha mu inzira ndende y'urusobe kugrango ikurinde intambara 

Ubwo Mose yajyaga gusaba Farawo kurekura Abisirayeli, icyo Farawo yahise akora kwari ukongera uburetwa bakoraga. Nyuma yibitangaza icumi Imana yakoreye muri Egiputa Farawo niko kureka Abisirayeli ngo bagende. Bivuze ko bavuye muri Egiputa bafite umunaniro w'imirimo bari bamazemo imyaka mwinshi. Bityo nk'uko twabisomye ku murongowa 17, Imana yanze ko banyura mu gihugu cy'Abafilisitiya kugirango badahura n'intambara. Mu Bafilisitiya nimo hari Abanaki abantu barebare bi bigango ibihanda abo Goliyati yakomokagamo. Bityo kuko bari abarwanyi bakomeye Imana yanze ko Abisirayeli bava mu buretwa bagahita batangira kurwana. Niko guhitamo inzira ndende kandi igoye ariko irimo kubarinda intambara. Akenshi natwe Imana ireba ibiri imbere ijya ihitamo kuturinda kunyura inzira yihuse, ahubwo ikatunyuza mu inzira ndende y'urusobe igamije kuturinda. Ikibazo ni uko usanga akenshi twe tuba dushaka kugenda uko dusha aho kugenda uko Imana ishaka. 

2. Imana igucisha mu inzira ndende y'urusobe kugirango ikurinde gusubira inyuma

Hari ibintu bibiri byari gutuma kunyura inzira yu busamo habaho gusubira inyuma: icyambere intambara na Bafilisitiya yari gutuma Abisirayeli bicuza bagasubira muri Egiputa. Icyakibiri niyo Imana ibarwanirira bagatsinda Abafilisitiya, kugera i Knani byihuse byari gutuma bahita badamarara bagasubira inyuma mu kwiringira Imana. Imana ya banyujije mu inzira ndende irimo kuzerera mu butayu imyaka 40, igamije kubigisha no kubategurira kuba ubwoko izakoresha mu gusohoza umugambi
wayo wo gucungura abo mu isi bose. No murugendo rwacu rugana mu bwami bw'Imana niko biri. Imana itunyuza mu butayu, mu bikomeye bituma ducika intege igambiriye kuturinda gusubira inyuma.
 Ntabwo byari korohera Abiyisirayeli gusubira inyuma kuko inzira Imana yari yabacishijemo yari inzira yo kwambuka inyanjya itukura. Kandi Imana ubwiyo niyo yaciye inzira mu inyanja, bigaragaza neza ko iyo Imana ishaka kuturinda ariyo ica inzira dukwiye kunyura. Kandi iyo uri mu nzira  Imana igushakamo ntibyoroha gusubira inyuma, keretse iyo winangiye umutima. Kuko Imana idatwaza igitugu iyo winagiye irakureka ukagwa mu inzira nk'Abisirayeli binangiye bakagwa mu butayu, abana babo akaba aribo bagera i Kanani.  

3. Imana igucisha mu nzira ndende y'urusobe igamije kwihesha icyubahiro. 

Soma kuva igice cya 14, urabona ukuntu Imana yihesheje icyubahiro ku nyanja itukura. Ubwo Abisirayeli babonaga ingabo za Farawo zibatuze bagize ubwoba batakira Mose. Ariko Imana ica inzira munyanja bambukira ahumutse, ariko ingabo za Farawo zashiriye mu nyanja. Abisirayeli bageze hakurya babonye uko Imana ibarwaniriye niko gutera hejuru bararirimba. Iyo turi mu nzira ndende kandi y'urusobe tujya tugera aho twitotombera abakozi b'Imana, Imana, ariko iyo Imana yigaragaje niho tubona icyubahiro cyayo. Nta cyabuza umugambi w'Imana gusohora mu buzima bwawe igihe cyose uri mu nzira y'Imana. Kuko Imana twizera ni Mana yi rwanirira, ni Mana ishoboye guca inzira aho twe tutabona inzira. Uyu munsi hirya no hino ku isi hari abantu benshi bari kubona Imana ica inzira aho zitari muri iki gihe cya Koronavirusi. Usanga akazi karahagaze ariko Imana igaca inzira z'ubundi buryo bwo kubaho.

4. Imana ikunyuza mu nzira ndende y'urusobe igamije ku kwigisha kuyishingikirizaho yonyine

Mu nzira yo mu butayu nta wundi Abisirayeli bari bafite wo kwishingikiriza keretse Imana. Imyaka 40 bamaze mu butayu beretswe ko hanze y'Imana nta wundi, nta kindi cya barengera. Uyu munsi dufite ubuhamya bwinshi bwa bantu bugaragaza ko Imana ariyo yonyine yo kwishingikirizaho. Ikoranabuhanga dufite mu isi, abahanga bariho, abakire bariho, abategetsi bakomeye,ubwo koronavirusi yadukaga bose babuze ibisubizo. Kugeza ubu haracyashaka ibisubizo, ariko abizera Imana tuzi neza ko uretse kwizera Imana no kuyishingikirizaho ntahandi gutabarwa guturuka. Imana ikoresha inzira ndende kandi y'urusobe itwigisha ko ariyo yonyine dukwiye kwishingikirizaho, kuko ibindi byose bidutenguha mu gihe gito. Ariko Imana yo ibana natwe ibihe byose yewe no mu rupfu turajyana kuko Yesu yaruhinduye irimbo ritwinjiza mu bwami bw'Imana.  

1 Abakorinto 10:13, ijambo ry'Imana ritwereka ko nta kigeragezo Imana izemera ko kitugeraho tutabasha kucyihanganira. Ahubwo ko mu bitugerageza izaducira akanzu kugirango tubashe kubyihanganira. No mu nzira ndende kandi y'urusobe Imana iri kutunyuzamo, igenda iducira akanzu, bityo reka twige kwizera Imana, kuyishingikirizaho yonyine. Nk'uko umuririmbyi  yaririmbye reka twikomeze ku Rutare kuko ahandi ari umusenyi. 


Icyumweru cyiza 

Pasitori Kubwimana Joel 

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more

Isabato n'Icyumweru mu mboni ya Bibiriya.

Image
Iriburiro Isabato n’icyumweru ni iminsi ikomeye mu buzima bw’abayoboke b’amadini nk’Abayahudi, Abadivantisiti b’umunsi wa Karindwi… Kiliziya Gatolika, Abaporotesitanti n’abandi. Usanga hari impaka hirya no hino mu bayoboke b’amadini n’amatorero ku munsi nyawo wahariwe gusenga cyangwa se umunsi twafata ko wera. Usanga amahame no kwemera kw’amadini n’amatorero ari isoko y’impaka twavuze. Ariko se Bibiliya yo ibivugaho iki? Hari icyo Bibiliya ivuga ku Isabato? Ku Cyumweru? Ese Isabato ni umunsi wera kuruta indi? Ese icyumweru cyo ni umunsi wera kuruta indi? Mu kwandika iki gitabo twakoze uko dushoboye twifashisha Bibiliya cyane kugira ngo twirinde kugira indi myumvire itari iya Bibiliya dushyira imbere. Bityo turagerageza kureba icyo Bibiliya ivuga ku munsi w’Isabato. Ese Isabato n’iki? Tuze no kureba ku munsi wo ku cyumweru niba hari icyo Bibiliya ivuga kuri uyu munsi. Turasoza dutanga umwanzuro usubiza ikibazo kigira kiti ”Ese abasenga ku cyumweru baba bishe itegeko ry’Imana?” I.1. ...
Read more