IMINSI 40 Y'UBUZIMA BUFITE INTEGO, UMUNSI WA 39,'RINGANIZA INTEGO Z'UBUZIMA BWAWE'

IRIBURIRO 


Iki gitabo cy'ubuzima bufite intego tuzasoza ejo, kitwigishije intego 5 tubereyeho aha ku isi. Izi ntego uko ari 5 ntabwo Rick Warren yazihimbye ahubwo yazikuye mu ijambo ry'Imana. Ibyanditswe bibiri byo muri Bibiliya byafashije Rick Warren gusobanukirwa izi ntego: Inshingano Nkuru Yesu yadusigiye (Matayo 28:18-20), Itegeko Risumba ayandi yose ( Matayo 22: 36-40). Icyigisho  kibanziriza icyanyu kivuga " RINGANIZA INTEGO Z'UBUZIMA BWAWE."  

RINGANIZA INTEGO Z'UBUZIMA BWAWE  

Reka twifashije incamake Rick Warren atanga atwibutsa Intego eshanu z'ubuzima bwacu aha ku isi, nyuma turebe mpamvu ki ari ngombwa kuringaniza izi ntego zose. 

1. "Ukundishe Imana umutima wawe wose": waremewe gushimisha Imana, intego y'ubuzima bwawe ni ugukunda Imana mu buryo bwo kuyiramya. 
2. "Ukunde mugenzi wawe nkawe ubwawe": waremewe gukorera abandi, ni yo mpamvu intego y'ubuzima bwa ari ugukunda abandi ukabigaragariza mu mirimo y'urukundo. 
3."Mugende muhindure abantu abigishwa": waremewe gukwiza ubutumwa bwiza, ni yo mpamvu indi ntego y'ubuzima bwawe ari ukujyana ubutumwa bw'Imana ukoresheje ivugabutumwa. 
4. "Mubabatize...": waremewe kuba urugingo rw'umuryango w'Imana, ni yo mpamvu indi ntego y'ubuzima bwawe ari ukwifatanya n'itorero ry'Imana ubusabane. 
5. "Mubigishe kwitondera ibyo nababwiye byose": waremewe guhinduka ugasa na Kristo, ni yo mpamvu indi ntego y'ubuzima bwawe ari ugukura kubw'inyigisho zikurera nk'umukristo. 

Iyo urebye usanga akenshi mu matorero dushyira imbere kuvuga ubutumwa n'umubatizo cyane ko usanga igishizwe imbere ari ukugira abayoboke benshi. Ibi biteza ikindi kibazo kuko usanga dufite abayoboke benshi ariko bagwingiye kubwo kutiga Ijambo ry'Imana, kurangwa n'urukundo mu magambo no kubura ubusabane. Ibi byerekene neza ko intego z'ubuzima uko ari 5 zikwiye kwitabwaho n'Itorero kimwe. Ku bantu kugiti cyabo usanga dushyira imbere kuvuga ubutumwa, abandi ugasanga bashyize imbere kugira imirimo mwiza benshi bagamije kwigaragaza, ariko izi ntego uko ari eshanu nta nimwe ikwiye gushyirwa kuruhande. Zose zikwiye kuringanizwa, bivuze ko zikwiye gufatwa kimwe kandi zigashyirwa mu bikorw zose. Haba mu Itorero cyanga ku muntu kugiti cye, nibyiza guharanira ko izi ntego z'ubuzima uko ari 5 tuzishyira mu bikorwa kimwe. Ntabwo uzanezeza Imana ngo ureke gukunda abantu yaremye ubagirira neza. Ntabwo uzakunda Imana ngo ubure kuba mu muryango w'Abana b'Imana, no gusabana nabo. Reka dukure tugere ku kigero gishyitse cya Kristo kandi tubashishwe gushyira mu ngiro izi ntego zose uko ari 5. 

Ingingo yo kuzirikana:  Hahirwa abaringaniza intego z'ubuzima bwabo. 

Umurongo wo gufata mu mutwe: "Mubeho ubuzima bwanyu nk'abantu bashyira mu gaciro, mwe kubaho nk'abatazi agaciro k'ubuzima ahubwo mubeho nk'abazi icyo ubuzima ari cyo. Abefeso 5:15 (Ph) 

Ikibazo cyo gutekerezaho: Muri iriya mirimo ine twabonye, ni iyihe ngiye gutangira gukora kugira ngo ngume muri gahunda kandi ngo ndinganize ziriya ntego eshanu z'Imana ku buzima bwanjye? 

Umunsi mwiza wo kuringaniza intego 5 z'ubuzima 

Pasiteri Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more