IMINSI 40 Y'UBUZIMA BUFITE INTEGO, UMUNSI WA 18, 'UBUZIMA BW'UBUSABANE'

IRIBURIRO 


Ijambo gusabana ni ijambo ubu riri guta agaciro kandi ryari rifite agaciro gakomeye mu Rwanda mbere y'ubukoloni. Gusabana kw'Abakurambere bacu kwari ugusangira ibyo bejeje ubundi bagatarama, bagahiga imihigo, bakanenga abatarahiguye imihigo bahize. Uyu munsi mu gusoma igitabo cy'ubuzima bufite intego turasoma igice cya 18 kivuga, 'UBUZIMA BW'UBUSABANE.'


UBUZIMA BW'UBUSABANE 

Ubuzima bw'ubusabane ni ukubana n'abandi bana b'Imana usangira nabo ubuzima bwawe bwose nta buryarya. Gusabana bivuze gusangira umunezero, ariko bivuze no guhugurana, kugirana inama no gukemurirana ibibazo. Kugirango abizera babashe gusabana neza bisaba ko habaho amatsinda mato, aho abantu bashobora kuba abo baribo. Aho abantu bashobora kubaka ubushuti butuma babwirana byose nta kwishishanya, bityo bagasangira nta gucurana, kandi bagafashanya muri byose. Kugirango  bene so muri Kristo babashe kugufasha mu buzima bw'ubusabane ni uko uba witeguye kubana nabo utaryarya ahubwo ubizeye kandi nabo bakwizeye nk'umuvandimwe muri Kristo.  Ubuzima bw'ubusabane ni ukuva muri za Yesu ashimwe nyinshi, uraho mwenedata nyinshi zishingiye kuburyarya. Usanga abakristo benshi babanye ariko mubyukuri badahuje, batadasabana uko bikwiye. Abandi ugasanga bahujwe na gahunda rimwe na rimwe baba bitabira ngo bigaragare ko baje. Oya, ntibikwiye kwitabira gahunda nka rukurikira izindi, ahubwo umukristo wese akwiye kuba ahantu yumva afite abo asabana nabo, abo aganyira, abo yisanzuraho nk'abavandimwe. Kuko mu mateaniro akenshi abantu baba ari benshi nibyiza ko umukristo wese agira itsinda rito ryo kwiga ijambo ry'Imana abarizwamo, kugirango n'ubusabane bugende neza. Yesu we ati "si nkibita abagaragu ahubwi muri inshuri," aha Yesu yabwiraga abigishwa be. Ubuzima bwokubaho bamwe bameze nk'abatware abandi abagaragu si ubuzima bw'abana b'Imana, kuko abizera Yesu dusabwa kubana nk'inshuti.  

Kuko gusabana biri mu intangagaciro zacu Abanyarwanda nibyiza ko uyu muco mwiza tuwuha agaciro kuko n'ijambo ry'Imana ridusaba kubana nk'inshuti, kandi inshuti zirangwa no kubana neza mubusabane. Rick Warren ati mu busabane nyakuri abantu bagaragara uko bari, bivuze kwirinda uburyarya mo kwiyoberanya. Ikindi ati mu busabane nyakuri abantu bahabonera imbabazi. Gutanga imbabazi nti bivuze guhubukira kubabarira, ahubwo kubabarira bivuye ku mutima nta buryarya cyangwa kurenzaho. Iyo kubabarira biriho niho usanga ubusabane bubaye buzima. Mubusabane nyakuri abantu bahabonera impuhwe. Kugirira abandi impuhwe nibyiza, kuko bituma twifatanya nabo mu bibazo barimo. Reka duharanire kugira ubuzima bw'ubusabane bityo dusohoze itegeko risumba ayandi ry'urukundo. 

Ingingo yo kuzirikana: Nkeneye abandi mu buzima bwanjye 

Umurongo wo gufata mu mutwe: "Mwifatanye mu ngorane n'ibibazo, bityo musohoze amategeko ya Kristo." Abagalatiya 6:2 (NLT)

Ikibazo cyo gutekerezaho: Ni izihe ntambwe natera uyu munsi kugira ngo negerane n'undi mukristo mu buryo bwuzuye bw'ukuri, uburyo bushyika ku muntima? 

Umunsi mwiza 

Pasiteri Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more