IMINSI 40 Y'UBUZIMA BUFITE INTEGO, UMUNSI WA 11, 'GUHINDUKA INKORAMUTIMA Y'IMANA'

IRIBURIRO 


Ntabwo nkunze gufata mu mutwe indirimbo zisanzwe zitari izihimbaza Imana, ariko hari igihe numva amagambo yakoreshejwe mu indirimbo runaka y'urukundo bikantera kuyatekerezaho. Akenshi mba nibaza niba ibyo abaririmba bavuga bishoboka cyangwa bazi ibyo bavuga? Hari indirimbo mperutse kumva ahantu mu bukwe irimo amagambo avuga ngo "Nubwo  imvura yagwa  izamuka" nandi magambo agaragaza ibindashoboka ati si na kwanga. Undi nawe yararirimbye ati "nzamira igisasu ku bwawe." Undi nawe ati "kugusiga biranze, ... sinshaka ko dutana ... wabaye inkoramutima" Aya ni amagambo abantu babwirana iyo bakundana, iyo bafitanye ubushuti butuma baba inkoramutima. Uyu munsi wa 11 wo gusoma igitabo cy'ubuzima bufite intego umutwe w'isomo dusoma ni  "GUHINDUKA INKORAMUTIMA Y'IMANA." 

 GUHINDUKA INKORAMUTIMA Y'IMANA 

Nkibona umutwe w'isomo ry'uyu munsi, nahise ntekereza ku mugambo njya numva abantu baririmba bameze nkaho babwira abo bakunda ko ba biyeguriye, ko babitangira, ko bapfa kubwabo nandi menshi aba arimo gukabya. Mvuze gukabya kuko akenshi usanga ibyo abantu bavuga ataribyo bakora. Usanga abantu bahinduka, akanwa bashimihsaga abantu akaba ariko ba bavumisha. Ariko biteye umunezero kumva ko Imana indahinduka, umuremyi wa byose, Uhoraho, ko yivuza kuba inkoramutima yanjye, yawe. Kuva mu Isezerano rya kera aho tubona Imana itinyitse cyane, yewe hari naho Abisirayeli babwira Mose ngo abe ariwe ujya uvugana nayo ubundi ababwire ibyo yavuze. No muri icyo gihe hari abantu batandukanye nka Enoki, Nowa, Aburahamu, Mose, Dawidi, Eliya n'abandi babaye inkoramutima z'Imana. Mu isezerano risha  Yesu agaragaza neza ko Imana ishaka kuba inshuti yacu, inkoramutima yacu. Kuko uretse kutwunga n'Imana atwitangira, Yesu yakuyeho urusika rwa dutandukanyaga n'Imana. Akiri ku musaraba umwenda wakingirizaga ahera cyane watabutsemo kabiri, bivuzeko dufite kwigerera imbere y'Imana. Ntabwo hakiriho abantu runaka bihariye bake bafitanye ubushuti n'Imana, ahubwo uwizera Yesu wese aba abaye inshuti y'Imana, inkoramutima y'Imana. 

Rick Warren atanga uburyo 6 bwo kuba inkoramutima y'Imana, ariko mu isomo ry'uyu munsi avuga uburyo bubiri:

1. Guhora uganira n'Imana: kuganira ni umusingi w'ubushuti bwose, bwaba ubushuti hagati ya bantu ubwabo cyangwa hagati ya bantu n'Imana. Iyo uganira n'umuntu niho umumenya bityo ukaba wahuza nawe cyangwa nti muhuze. Kuganira n'Imana, mu gusenga ubudasiba, mu ijambo ryayo  ni ingenzi. Bituma umenya byinshi kuko uko uganira n'Imana niko ikwihishurira biruseho. Hari abantu benshi bibwira ko kuganira n'Imana ari ukwirirwa usenga, ujya hirya no hino mu misozi, mu migezi, na handi. Oya, amagambo make arimo kwizera Imana, aho waba uri hose, uko waba umeze kose iyo uvuze ubwira Imana ira kumva. Icyo usabwa ni ukwitoza kuvugana n'Imana aho uri hose, mu byo urimo gukora byose, yibwire ko uyizeye, ko uziko igukunda, ko uzi ko muri kumwe, ko uzi neza ko ibyo yibwira ku kugirira ari ibyiza... nti bisaba gutitira, kuvuga mu indimi z'itamenyekana, ahubwo bisaba umutima uramya Imana, umutima unezeza Imana.

2. Kwimenyereza guhora utekereza Imana: Kimenyereza guhora utekereza Imana, si ukwibaza uko isa, niba ari umugabo cyangwa umugore, ahubwo ni ukwibirwa ijambo ry'Imana amanywa na nijoro. Samuel agaragaza ko Imana ya mwiyerekaga mu ijambo ryayo. Iyo usoma ijambo ry'Imana, ukaryibwira, ukaritekerezaho nibwo Imana iguhishurira byinshi kuriyo no ku bantu bayo. Abantu bose dusoma muri Bibiliya bavugwa nk'inkoramutima z'Imana, ni abantu bagize kuganira n'Imana no kwibwira ijambo ryayo iteka. 

Birashoboka, kandi si ibikabyo nk'ibyabahanzi, Imana ishaka kuba inkoramutima yacu. Ishaka kugendana natwe, kuvugana natwe, ishaka kuba mu buzima bwacu bwose. Ariko ntabwo yo injya ikoresha agahato, ahubwo idusaba kuyemerera ubushuti bushingiye ku kuyizera no kuyiyegurira tuyiha ubuzima bwacu bwose. Reka kuva izuba rirashe kugeza rirenga, mu ijoro wicuye, Imana ibe ku mutima wawe, mu bitekerezo byawe, ku munwa wawe, kuruta abandi bose n'ibindi byose.

Ingingo yo kuzirikana: Imana irashaka kuba inkoramutima yawe 

Umurongo wo gufata mu mutwe: "Ubucuti bw'Imana ya bugeneye abayubaha" Zaburi 25:14a (LB)

Ikibazo cyo gutekerezaho: Ni iki nakora kugirango niyibutse gutekereza no kugirango mvugane n'Imana kenshi mu munsi?

Mbifurije umunsi w'umugisha 

Pasiteri Kubwimana Joel 

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more