IMINSI 40 Y'UBUZIMA BUFITE INTEGO, UMUNSI WA 24, ' GUHINDURWA N'UKURI'

IRIBURIRO 


Nyakwigendera Bill Graham niwe mu ntu wabwirije ubutumwa abantu benshi mu kinyejana cya 20. Ubwo yatabarukaga avuye mu mubiri benshi bagarutse ku ukuntu Imana ya mukoresheje mu gihe cye, no ku magambo akomeye amwe yagiye avuga. Hari aho yavuze ati " umunsi wumvise ngo Bill Graham yapfuye ntuzabyemere kuko azaba yatashye i muhire." Ubwo yandikaga igatabo kivuga kubuzima bwe, Bill Graham yavuze aho aho yakuye imbaraga zo gukorera Imana mu gihe cye. Agaragaza neza ko gusoma Ijambo ry'Imana buri munsi ko byamufashije kumenya no kuguma kugenda asobanukirwa ibyo atazi. Hari aho avuga ko icyo yakoraga kwari ugusoma Bibiliya akayirangiza, akongera agatangira. Nanyuma yo kugera mu zabukuru ahagaritse ibiterane yakoraga, nti yigeze ahagarika gusoma Bibiliya buri munsi. Uyu munsi muri gahunda yo gusoma igitabo cy'Ubuzima Bufite Intego turasoma icyigisho kivuga, "GUHINDURWA N'UKURI." 

GUHINDURWA N'UKURI 

Ukuri kuvugwa aha dukwiye guhindurwa nako ni Ijambo ry'Imana. Muri Yohana 17:17 hagaragaza neza uko Ijambo ry'Imana ari ryo kuri , "Ubereshe ukuri ijambo ryawe ni ryo kuri." Kugirango duse na Kristo, dukure tugere ku kigero cya Kristo, dukwiye kwemera guhindurwa n'Ijambo ry'Imana ryo kuri. Rick Warren ati, uramutse ufashe iminota 15 buri munsi ugasoma Bibiliya umwaka warangira usomye Bibiliya yose. Ufashe iminota 30 ku munsi umwaka warangira usomye Bibiliya inshuro ebyiri. Kuki se ibi bidakunze kubaho? Usanga umuntu amara umunsi, icyumweru, ukwezi, umwaka, yirebera seri za filime, aba kuri Youtube areba ni bitagira umumaro, ariko akabura iminota 15 yo gusoma Ijambo ry'Imana. Satani yamaze kugusha benshi mu mutego wo guhuga ku buryo babura umwanya wo gusenga nk'umuryango, umwanya wo gusoma ijambo ry'Imana kugiti cyabo cyangwa nk'umuryango.  Ijambo ry'Imana rifite ibisubizo by'ibibazo byose twibaza, ni ryo muyobora twahwe, indorerwamo, umunzani, ibyokurya bitunga ubugingo, umutsima utera imbara... si nabirondora byose kuko ijambo ry'Imana ni Imana ubwayo iba ivuga.  Birumvika impamvu Satani arirwanya azana ibiturangaza bituma tutariha umwanya. Urugero abantu bari bahuze bari muri byinshi bibanezeza, ariko kubera Korana Virusi (Coronavirus), benshi ubu niho bongeye kwibuka ko Ijambo ry'Imana ribaho, abandi niho bongeye kwibuka ko bagomba gusenga bagatakira Imana. Imana ni inyembabazi, nubwo akenshi abantu tuyishyira kuruhande iyo tuguwe neza, igihe cyose tuyigarukiye iratubabarira. Ariko nibyiza kumenya ko hari igihe tutazahabwa amahirwe yo kwisuzuma, nizi mbuga nkoranyambaga turi guhugiraho nazo ntizibe zigikora. Ese wowe uzatungwa n'iki niba nta jambo ry'Imana usoma ngo uryibwire kumanywa na n'ijoro?  

Shyira muri gahunda zawe za buri munsi gusoma Ijambo ry'Imana, nibwo uzabasha guhindurwa na ryo, kandi Imana igukoreshe iby'ubutwari mu gihe cyawe nk'uko yakoresheje abatubanjirije mu bihe byahise barimo na Bill Graham. Aho kwishyira hejuru wivuga, uvuga inkuru ziterekeranye, haranira gushyirwa hejuru n'Imana kubwo kuvuga ijambo ryayo. Sigaho gufata Bibiliya nk'igitabo gisanzwe, ahubwo menya ko ari Ijambo ry'Imana, ukuri guhindura ubuzima bwacu bugakira intego aha ku isi. Iyo usomye Ijambo ry'Imana ukaryumva, ushyira mu bikorwa iryo ri kwigisha. Aha niho utangira gutera intambwe yo guhinduka usa na Kristo, no gukura ukagera ku kigero cye.  Mu magambo ya D.L Moody, Rick Warren asoza iki cyigisho cy'umunsi agira ati " ntabwo twahawe Bibiliya nk'igitabo cyo kutwungura ubwenge, twayiherewe guhindura ubuzima bwacu."  Reka dusome Ijambo ry'Imana kandi turyemerere rihindure ubuzima bwacu. 

Ingingo yo kuzirikana: Ukuri kurampindura 

Umurongo wo gufata mu muatwe: "Nimuguma mu ijambo ryanye, muzaba abigishwa banjye nyakuri; namwe muzamenya ukuri kandi ukuri ni ko kuzababatura." Yoahan 8:31-32 (Kjv) 

Ikibazo cyo gutekerezaho: Ni iki Imana yamaze kumbwira mu Ijambo ryayo ntari natangira gushyira mu bikorwa?  

Umunsi mwiza wo gukunda gusoma Ijambo ry'Imana

Pasiteri Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more