IMINSI 40 Y'UBUZIMA BUFITE INTEGO, UMUNSI WA 19, 'KUBAKA IMIBANIRE MYIZA.'

IRIBURIRO 


Hari imvugo tumaze kumenyera kumva muri iki gihe, urugero " ingo zubu weee", "urubyiruko rw'ubu wee", akenshi izi mvugo zikoreshwa abantu bashaka kugaraza ko ibintu bimeze nabi, ko ibintu bitagenda, ko imyitwarire atari myiza n'ibindi. Nta kintu gishobora kugenda neza hatabayeho ku kigendesha neza, ntacyo wakora neza, mu gihe utagikoze neza, akenshi usanga abantu tubona ibitagenda ariko tuterekana uruhare rwacu mugutuma ibintu bigenda neza. Uyu munsi mu gusoma igitabo cy'Ubuzima Bufite Intego turasoma ku " KUBAKA IMIBANIRE MYIZA." 

KUBAKA IMIBANIRE MYIZA 

Kubaka bisaba gutegura, kwiga inyigo neza no gukora ibishoboka byose ngo inzu umuntu agiye kuba izubakwe neza uko abishaka. Bivuze ko utabasha kuba nta gihe cyawe watanze, yewe niyo waba wubakisha ugira igihe cyo kujya gusura, cyangwa ugafata umwanya ukabaza amakuru y'inyubako. Ikindi kubaka bisa gutanga ubutunzi bwawe kugirango inyubako yawe irangire neza. No kubaka imibanire myiza nk'abana b'Imana niko biri, bisaba ko dutanga igihe cyacu, n'ubutunzi bwacu kugirango tubashe kugira imibanire myiza na bagenzi bacu. Umubano utatakajeho igihe cyawe, imbaraga, n'ubutunzi nta gaciro uwuha. Ikibabaje usanga benshi mu bakristo dufitanye umubano ushingiye ku kurenzaho. Sibyo kubaka imibanire myiza harimo ibintu byinshi by'igenzi dusabwa ariko reka dukoreshe inama Rick Warren atanga: 
" Niba muri mu itsinda rito cyangwa umutwe wo kwiga ijambo ry'Imana, reka mbagire inama yo kugirana amasezerano abagenga arimo ibintu icyenda biranga iteraniro ryiza uko Bibiliya irivuga: tuzabwirana uko turi ku mutima (ukuri), tuzaterana umwete (kuba magirirane), tuzashyigikirana (imbabazi) tuzababarirana (impuhwe), tuzabwirana ukuri mu rukundo (kugendera mu mucyo), tuzemera intege nke zacu (guca bugufi), tuzemerana nubwo tudahuje (kubahana),tuzirinda amazimwe (ibanga), kandi tuzabonera umwanya itsinda turimo (kubonana kenshi)." Ejo niho twabonye ko ubusabane buzima buva mu matsinda mato aho abantu baba ari bake kandi bagira umwanya uhagije wo kuganira. Niyo mpamvu mu kubaka imibanire myiza amatsinda yo kwiga ijambo ry'Imana afite umumaro ukomeye cyane. Ibi bintu icyenda tubwiwe ntibyoroshye, urugero usanga abantu benshi kuvuga ukuri bitugora, kandi nti takwizerana nta kuri dufite muri twe. Ntitwabana neza mugihe nta guca bugufi kuri muri twe. Nk'uko dushyira imbaraga, igihe, n'ubutnzi mu kubaka inyubako, reka duharanire kubaka imibanire myiza n'abantu bose cyane cyane abo mu nzu y'Imana. 

Ingingo yo kuzirikana: Imibanire myiza isaba kuyitangira. 

Umurongo wo gufata mu mutwe: "Tumenya urukundo nyakuri icyo ari cyo iyo dusobanukiwe ko Kristo yatanze ubugingo bwe kubwacu. Ibyo bivuga ko natwe dukwiye gutanga ubugingo bwacu kubwa bene Data." 1 Yohana 3:16 (GWT) 

Ikibazo cyo gutekerezaho: Nakora nte ngo ngendere mu biranga ubumwe nyakuri mu itsinda ndimo no mu itorero ryanjye?  

Umunsi mwiza 

Pasiteri Kubwimana Joel

Comments

Post a Comment

Popular posts from this blog

IMINSI 40 Y'UBUZIMA BUFITE INTEGO: UMUNSI WA 1, 'MBERE NA MBERE IMANA'

Image
IRIBURIRO   Uyu munsi dutangiye gusoma igitabo cy'Ubuzima Bufite Intego cyanditswe na Rick Warren. Iki gitabo kimaze guhindurwa mu indimi nyinshi, kimaza gufasha benshi kwegera Imana ngo bamenye neza icyo babereyeho aha ku isi. ni byiza kugira ubuzima bufite intego, ariko akenshi usanga dushyira imbere ibyo twe twifuza,  ibitunezeza bityo ntitubeho ubuzima bunezeza Imana. Reka muri iyi minsi 40 tugiye kumara dusoma iki gitabo uhe agaciro kumenya icyo ubereyeho aha ku isi. Ushobora kuba uvuga uti, ndiho kandi ndabona nkora ibyo nshaka, yewe nageze ku intego z'ubuzima bwanjye. Ariko se ibyo urimo, ukora, uko ubayeho, ni ko Imana ishaka ko ubaho? Ese aho ntiwaba ubayeho mu buzima budafite intego kandi wibwira ko uri mu inzira nzima. Ndakwifuriza ko nyuma y'iminsi 40, uzaba umaze kumenya neza intego Imana yakuremeye bityo ubeho muri iyo ntego.  Umunsi wa 1: MBERE NA MBERE IMANA  Umutwe w'icyigisho dusoma uyu munsi ugira uti, "Mbere na mbere Imana."...
Read more

MUNGANYINkA MARIE GORETTE: UMUGORE, UMUBYEYI, UMUKRISTO, UMUKOZI URANGIJE URUGENDO RWE KU ISI

Image
Urupfu ni umuryango unyurwamo n’uwo rutwaye abasigaye inyuma y’uwo muryango dutegereje igihe cyacu tugasigara mu marira, agahinda bivanze n’ibyiringiro ku bizera Imana. Ku mugoraba wo kuwa 19/06/2025, nibwo numvise inkuru ya kababaro ko Munganyinka, madame Pastor Kayabo Charles inshuti yanjye yitabye Imana azize impanuka. Ubwo madamu wanjye yanyerekaga amafoto abantu batangiye gushyira kuri sitati zabo za WhatsApp, nihutiye kwandikira Pastor Charles ariko mbona nawe yashyizeho ubutumwa buvuga ngo “Ruhukira mu mahoro mugore mwiza umutima wanjye ntacyo ugushinja….,” nibwo nabonye ko ayo makuru ari impamo.    Munganyinka Umugore akaba n’Umubyeyi Namenye nyakwigendera muri za 2007 ubwo nigaga muri Kaminuza Nkuru y’U Rwanda I Butare. Umugabo we Kayabo Charles niwe twamenyanye mbere, tuba inshuti, umudamu nawe tuba inshuti kubere umugabo we ariko nyuma kubera gukunda ijambo ry’Imana. Mu bakristo nayoboye bakunze kumbaza ibibazo byinshi kuri Bibiliya Marie Gorette arimo. Ubwo n...
Read more

Rev. Mbanzabigwi Michel: Umubyeyi, Umushumba n’Umubwiriza butumwa bwiza

Image
Iriburiro Umunsi ku wundi twumva inkuru nziza ariko tukumva n’inkuru mbi. Uyu munsi kuwa 13/11/2024, mu gitondo nibwo twumvise inkuru ibabaje yu rupfu rwa Rev. Mbanzabigwi Michel, umubyeyi akaba, umushumba, umubwiriza butumwa wakoreye Imana mu gihe cye. Kuko nari nzi ko Rev. Michel amaze iminsi arwaye, ijambo rya mbere ryanjemo kandi ariryo nahise nandika aho nari mbonye iyi nkuru ibabaje ni “ Ruhukira mu mahoro.” Rev. Michel Umubyeyi wa benshi Mbanzabigwi yari umubyeyi ufite abana n’abuzukuru ku isano ya maraso. Kurundi ruhande yari umubyeyi wareze benshi mu mashuri yisumbuye, mu insengero aho yakoze hose, yewe naho yatuye hose kuko yari umuntu urangwa n’urukundo, ukunda abantu bose nta kuvangura. Urugwiro n’urukundo umubyeyi Michel yagiraga, rwatumaga buri wese amwisanzuraho. Rev. Michel yabaye inshuti ya bakuru aba inshuti ya bato, umwe mu bana yareze ubwo twaganiraga yagize ati “Pastor Michel yari umubyeyi ugira urukundo kuburyo iyo wageraga iwe mu rugo, mwasangiraga icyo a...
Read more